ಡಿವಿಜಿ ಸುದ್ದಿ, ದಾವಣಗೆರೆ: ಜಿಲ್ಲೆಯಲ್ಲಿ ಮಂಗಳವಾರ 51.0 ಮಿ.ಮೀ ಸರಾಸರಿ ಮಳೆಯಾಗಿದ್ದು, ಜಿಲ್ಲೆಯಲ್ಲಿ ಒಟ್ಟು 34.75 ಲಕ್ಷ ರೂಪಾಯಿ ನಷ್ಟ ಸಂಭವಿಸಿದೆ.
ತಾಲೂಕುವಾರು ಮಳೆಯ ವಿವರ
- ಚನ್ನಗಿರಿ-46.0 ಮಿ.ಮೀ.
- ದಾವಣಗೆರೆ- 88.0 ಮಿ.ಮೀ
- ಹರಿಹರ- 43.0 ಮಿ.ಮೀ.
- ಹೊನ್ನಾಳಿ-32.0 ಮಿ.ಮೀ.
- ಜಗಳೂರು- 43.0 ಮಿ.ಮೀ.
- ನ್ಯಾಮತಿ- 34.0 ಮಿ.ಮೀ.
ದಾವಣಗೆರೆ ತಾಲ್ಲೂಕಿನಲ್ಲಿ 20 ಮನೆಗಳಿಗೆ ಹಾನಿಯಾಗಿದ್ದು ರೂ.7.50 ಲಕ್ಷ ಹಾಗೂ 10 ಎಕರೆ ಮೆಕ್ಕೆಜೋಳದ ಬೆಳೆ ಹಾನಿಯಾಗಿದ್ದು ರೂ.2 ಲಕ್ಷ ಒಟ್ಟು ರೂ.9.50 ಲಕ್ಷ ಅಂದಾಜು ನಷ್ಟ ಸಂಭವಿಸಿರುತ್ತದೆ.
ಹರಿಹರ ತಾಲ್ಲೂಕಿನಲ್ಲಿ 5ಮನೆ ಹಾನಿಯಾಗಿದ್ದು ರೂ.80 ಸಾವಿರ ಹಾಗೂ 300 ಎಕರೆ ಭತ್ತ ಬೆಳೆ ಹಾನಿಯಾಗಿದ್ದು, ಒಟ್ಟು ರೂ.15.80 ಲಕ್ಷ ಅಂದಾಜು ನಷ್ಟ ಸಂಭವಿಸಿರುತ್ತದೆ. 30 ಎಕರೆ ಭತ್ತದಗದ್ದೆಯಲ್ಲಿ ನೀರು ನಿಂತಿರುತ್ತದೆ.
ಹೊನ್ನಾಳಿ ತಾಲ್ಲೂಕಿನಲ್ಲಿ 4 ಮನೆ ಭಾಗಶಃ ಹಾನಿಯಾಗಿದ್ದು ರೂ.2.50 ಲಕ್ಷ ಅಂದಾಜು ನಷ್ಟ ಸಂಭವಿಸಿರುತ್ತದೆ. ನ್ಯಾಮತಿ ತಾಲ್ಲೂಕಿನಲ್ಲಿ 1 ಮನೆ ಹಾನಿಯಾಗಿದ್ದು ರೂ.25 ಸಾವಿರ ಅಂದಾಜು ನಷ್ಟ ಸಂಭವಿಸಿರುತ್ತದೆ.
ಚನ್ನಗಿರಿ ತಾಲ್ಲೂಕಿನಲ್ಲಿ 14 ಮನೆ ಹಾನಿಯಾಗಿದ್ದು ರೂ.5.80 ಲಕ್ಷ ಹಾಗೂ 5 ಎಕರೆ ಅಡಿಕೆ ಬೆಳೆ ಹಾನಿಯಾಗಿದ್ದು ರೂ.40 ಸಾವಿರ ಒಟ್ಟು ರೂ.6.20 ಲಕ್ಷ ಅಂದಾಜು ನಷ್ಟ ಸಂಭವಿಸಿರುತ್ತದೆ.
