N-95 ಮಾಸ್ಕ್ ಉಪಯೋಗಿಸದಂತೆ ಕೇಂದ್ರ ಆರೋಗ್ಯ ಸಚಿವಾಲಯ ಎಚ್ಚರಿಕೆ ..!

ನವದೆಹಲಿ:   N-95 ಮಾಸ್ಕ್ ಧರಿಸುವುದರಿಂದ ಕೊರೊನಾ ವೈರಸ್‌ ನಿಯಂತ್ರಣ ಸಾಧ್ಯವಿಲ್ಲ ಎಂದು ಕೇಂದ್ರ ಆರೋಗ್ಯ ಸಚಿವಾಲಯ ಹೇಳಿದೆ.

ಕೇಂದ್ರ ಆರೋಗ್ಯ ಸಚಿವಾಲಯ ಮಹಾನಿರ್ದೇಶಕ ರಾಜೀವ್ ಗರ್ಗ್,  ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳ ಆರೋಗ್ಯ ಮತ್ತು ವೈದ್ಯಕೀಯ ಶಿಕ್ಷಣ ಇಲಾಖೆಯ ಕಾರ್ಯದರ್ಶಿಗಳಿಗೆ ಈ ಬಗ್ಗೆ  ಪತ್ರ ಬರೆದಿದ್ದಾರೆ. ಆರೋಗ್ಯ ಕಾರ್ಯಕರ್ತರು, ವೈದ್ಯರು, ಸಾರ್ವಜನಿಕರು N-95 ಬಳಕೆ ಮಾಡುವುದು ಸರಿಯಾದ ಕ್ರಮವಲ್ಲ ಎಂಬವನ್ನು  ಪತ್ರದಲ್ಲಿ ಉಲ್ಲೇಖಿಸಿದ್ದಾರೆ. ಹೀಗಾಗಿ ಮನೆಯಲ್ಲಿ ಮಾಸ್ಕ್‌ ತಯಾರಿಸಿ, ಬಳಸುವ ವಿಧಾನದ ಬಗ್ಗೆ ಕೇಂದ್ರ ಆರೋಗ್ಯ ಸಚಿವಾಲಯದ ವೆಬ್‌ಸೈಟ್‌ನಲ್ಲಿ ಪ್ರಕಟಿಸಲಾಗಿದೆ ಎಂದು ಸೂಚಿಸಿದೆ.

N-95 ಮಾಸ್ಕ್ ನಲ್ಲಿ ಉಸಿರಾಡಲು ರಂಧ್ರ ಇರುವುದರಿಂದ  ಸೋಂಕು ಒಳ ಹೋಗುವುದು ಮತ್ತು ಹೊರ ಬರುವುದುನ್ನು ತಡೆಯಲು ಸಾಧ್ಯವಿಲ್ಲ. ಹೀಗಾಗಿ ಮಾಸ್ಕ್ ಬಳಕೆಗೆ ಮಾರ್ಗಸೂಚಿ ಅಗತ್ಯವಿದೆ. ಮನೆಯಲ್ಲಿಯೇ ಸರಳವಾಗಿ ಮಾಸ್ಕ್‌ ತಯಾರಿಸಬಹುದು. ಉಪಯೋಗಿಸಿದ ಹತ್ತಿ ಬಟ್ಟೆಯನ್ನು ಇದಕ್ಕೆ ಬಳಕೆ ಮಾಡಬಹುದು. ಇಂತಹ ಮಾಸ್ಕ್‌ ಅಥವಾ ಮುಖದ ಬಟ್ಟೆಗಳನ್ನು ಪ್ರತಿ ದಿನ ಬಿಸಿ ನೀರಿನಲ್ಲಿ ತೊಳೆಯಬೇಕು. ನೀರಿಗೆ ಸ್ವಲ್ಪ ಉಪ್ಪು ಬೆರೆಸಿ ಕುದಿಸುವುದು ಉತ್ತಮ ಎಂದು ಆರೋಗ್ಯ ಇಲಾಖೆ ಮಾಹಿತಿ ನೀಡಿದೆ.

ಮಾಸ್ಕ್ ಗಳನ್ನು ತಪಳೆದ ನಂತೆ  ಬಿಸಿಲಿನಲ್ಲಿ ಒಣಗಿಸಿ ಉಪಯೋಗಿಸಬೇಕು. ಒಬ್ಬರು ಉಪಯೋಗಿಸಿರುವುದನ್ನು ಮತ್ತೊಬ್ಬರು ಬಳಕೆ ಮಾಡಬಾರದು  ಎಂದು ಮಾಹಿತಿ ನೀಡಿದೆ.