ದಾವಣಗೆರೆಯಲ್ಲಿ ಕೊರೊನಾ ಸೋಂಕಿಗೆ ಮತ್ತೊಂದು ಬಲಿ

ಡಿವಿಜಿ ಸುದ್ದಿ, ದಾವಣಗೆರೆ: ದಾವಣಗೆರೆಯಲ್ಲಿ ಕೊರೊನಾ ಸೋಂಕು ಮತ್ತೊಂದು ಬಲಿ ಪಡೆದಿದೆ.  ಇಮಾಂ ನಗರದ ಮಹಿಳೆ (48) ಮೃತಪಟ್ಟಿದ್ದು, ಅವರಿಗೆ ಕೊರೊನಾ ವೈರಸ್‌ ದೃಢಪಟ್ಟಿತ್ತು. ಈ ಸಾವು ದಾವಣಗೆರಯಲ್ಲಿ ಮತ್ತೊಷ್ಟು  ಆತಂಕ ಸೃಷ್ಟಿಸಿದೆ.

ಉಸಿರಾಟದ ತೊಂದರೆ, ರಕ್ತದೊತ್ತಡ, ಮಧುಮೇಹ ದಿಂದ ಬಳಲುತ್ತಿದ್ದು, ಮೇ 1ರಂದು ಜಿಲ್ಲಾ ಚಿಗಟೇರಿ ಆಸ್ಪತ್ರೆಗೆ ದಾಖಲಾಗಿದ್ದರು. ಆಸ್ಪತ್ರೆಗೆ ಸೇರಿದ ಮರುದಿನ ಮೃತಪಟ್ಟಿದ್ದರು.ಈ ಮಹಿಳೆಯ ಗಂಟಲು ದ್ರವವನ್ನು ಪ್ರಯೋಗಾಲಯಕ್ಕೆ ಕಳುಹಿಸಲಾಗಿತ್ತು ಇಂದು ವರದಿ ಬಂದಿದ್ದು,  ಕೊರೊನಾ ವೈರಸ್‌ ಪಾಸಿಟಿವ್  ಖಚಿತಪಟ್ಟಿದೆ. ಜಾಲಿನಗರದ  ಕೊರೊನಾ ಪಾಸಿಟಿವ್ ನರ್ಸ್  ದ್ವಿತೀಯ ಸಂಪರ್ಕ ಮೃತ ಮಹಿಳೆಗೆ ಇರುವುದು ಪತ್ತೆಯಾಗಿದೆ.

ಜಿಲ್ಲೆಯಲ್ಲಿ ಜಾಲಿನಗರ ವೃದ್ಧಿ ಕೊರೊನಾ ಸೋಂಕಿಗೆ ಮೊದಲ ಬಲಿಯಾಗಿತ್ತು. ಇದೀಗ  ಮಹಿಳೆ ಮೃತಪಟ್ಟಿರುವುದರಿಂದ ಜಿಲ್ಲೆಯಲ್ಲಿ ಎರಡನೇ ಬಲಿ ಇದಾಗಿದೆ. ಜಿಲ್ಲೆಯಲ್ಲಿ 31 ಪ್ರಕರಣದಲ್ಲಿ  ಇಬ್ಬರು ಮೃತಪಟ್ಟಿರುವುದರಿಂದ ಇನ್ನು  29 ಸೋಂಕಿತರಿದ್ದಾರೆ.