ರಾಜ್ಯದಲ್ಲಿ ಒಂದೇ ದಿನದ ಬರೋಬ್ಬರಿ 9,860 ಮಂದಿಗೆ  ಕೊರೊನಾ ಪಾಸಿಟಿವ್ ;113 ಸಾವು

ಡಿವಿಜಿ ಸುದ್ದಿ, ಬೆಂಗಳೂರು: ರಾಜ್ಯದಲ್ಲಿ  ಇಂದು ದಾಖಲೆಯ 9,860 ಮಂದಿಗೆ ಕೊರೊನಾ ಪಾಸಿಟಿವ್ ಪತ್ತೆಯಾಗಿದ್ದು, ಒಟ್ಟು ಸೋಂಕಿತರ ಸಂಖ್ಯೆ 3,61,341ಕ್ಕೆ ಏರಿಕೆಯಾಗಿದೆ.

ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಾಹಿತಿ ನೀಡಿದ್ದು, 6,287 ಮಂದಿ ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಆಗಿದ್ದಾರೆ. ಇದುವರೆಗೆ 2,60,913 ಮಂದಿ ಸೋಂಕಿನಿಂದ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ.  113 ಮಂದಿ ಸೋಂಕಿಗೆ ಬಲಿಯಾಗಿದ್ದು, ಸಾವಿನ ಸಂಖ್ಯೆ 5,950ಕ್ಕೇರಿದೆ.

ಬೆಂಗಳೂರಿನಲ್ಲಿ  ಕೊರೊನಾ ಕೇಸ್ ಗಳ ಸಂಖ್ಯೆ 3 ಸಾವಿರದ ಗಡಿ ದಾಟಿದ್ದು, 3,420 ಮಂದಿಗೆ ಸೋಂಕು ದೃಢಪಟ್ಟಿದೆ. ಬಳ್ಳಾರಿ 433, ಬೆಳಗಾವಿ 470, ದಕ್ಷಿಣ ಕನ್ನಡ 414, ಮೈಸೂರು 667, ತುಮಕೂರು 357, ಶಿವಮೊಗ್ಗ 342, ಧಾರವಾಡ 327, ದಾವಣಗೆರೆ 321, ಬಾಗಲಕೋಟೆ 166, ಬೆಂಗಳೂರು ಗ್ರಾಮಾಂತರ 146, ಬೀದರ್ 62, ಚಾಮರಾಜನಗರ 67, ಚಿಕ್ಕಬಳ್ಳಾಪುರ 100, ಚಿಕ್ಕಮಗಳೂರು 117, ಚಿತ್ರದುರ್ಗ 174, ಗದಗ 195, ಹಾವೇರಿ 149, ಕಲಬುರಗಿ 194, ಕೊಡಗು 25, ಕೋಲಾರ 83, ರಾಮನಗರ 59, ಉಡುಪಿ 169, ಉತ್ತರ ಕನ್ನಡ 126, ವಿಜಯಪುರ 122, ಯಾದಗಿರಿ 106 ಮಂದಿಗೆ ಸೋಂಕು ದೃಢಪಟ್ಟಿದೆ.