ನವದೆಹಲಿ: ಭಾರತದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಲೇ ಸಾಗಿದೆ. ಈವರೆಗೆ 90,927 ಮಂದಿಗೆ ಸೋಂಕು ತಗುಲಿದ್ದು, 2,872 ಮಂದಿಯನ್ನು ಮಹಾಮಾರಿ ಬಲಿ ಪಡೆದಿದೆ.
ಕಳೆದ 24 ಗಂಟೆಯಲ್ಲಿ ದೇಶದಲ್ಲಿ 4,987 ಕೊರೊನಾ ಪ್ರಕರಣ ಪತ್ತೆಯಾಗಿದ್ದು, 120 ಮಂದಿ ಸಾವನ್ನಪ್ಪಿದ್ದಾರೆ. ಈವರೆಗೆ ಕೊರೊನಾ ಸೋಂಕಿಗೆ ಚಿಕಿತ್ಸೆ ಪಡೆದು 34,109 ಮಂದಿ ಗುಣಮುಖರಾಗಿದ್ದಾರೆ. 53,946 ಸೋಂಕಿತರು ಇನ್ನೂ ಕೊರೊನಾದಿಂದ ಬಳಲುತ್ತಿದ್ದಾರೆ. ಮಹಾರಾಷ್ಟ್ರದಲ್ಲಿ ಅತೀ ಹೆಚ್ಚು ಸೋಂಕು ಹರಡಿದ್ದು, ಈವರೆಗೆ 30,706 ಮಂದಿ ಸೋಂಕಿಗೆ ತುತ್ತಾಗಿದ್ದು, ಮುಂಬೈ ಒಂದರಲ್ಲೇ 18,555 ಮಂದಿಗೆ ಸೋಂಕು ತಗುಲಿದೆ . 1,135 ಮಂದಿ ಕೊರೊನಾಗೆ ಬಲಿಯಾಗಿದ್ದು, 7,088 ಮಂದಿ ಸೋಂಕಿನಿಂದ ಗುಣಮುಖರಾಗಿದ್ದಾರೆ.
ಗುಜರಾತ್‍ನಲ್ಲಿ 10,986, ತಮಿಳುನಾಡಿನಲ್ಲಿ 10,585, ದೆಹಲಿಯಲ್ಲಿ 9,333, ಆಂಧ್ರಪ್ರದೇಶದಲ್ಲಿ 2,355 , ತೆಲಂಗಾಣದಲ್ಲಿ 1,509, ಕೇರಳದಲ್ಲಿ 588, ಕರ್ನಾಟಕದಲ್ಲಿ ಈವರೆಗೆ 1,092 ಮಂದಿಗೆ ಸೋಂಕು ತಗುಲಿದ್ದು, ಸಾವಿನ ಸಂಖ್ಯೆ 36ಕ್ಕೆ ಏರಿದೆ. ಒಟ್ಟು 496 ಮಂದಿ ಸೋಂಕಿನಿಂದ ಗುಣಮುಖರಾಗಿ ಮನೆ ಸೇರಿದ್ದಾರೆ.
