ಮುಂಬೈ: ಕಳೆದ ಹಣಕಾಸು ವರ್ಷ 2019-20ರಲ್ಲಿ 2 ಸಾವಿರ ಮುಖಬೆಲೆಯ ಕರೆನ್ಸಿ ನೋಟು ಮುದ್ರಿಸಿಲ್ಲ. ಹೀಗಾಗಿ ಆ ವರ್ಷದಿಂದಲೇ ನೋಟುಗಳ ಚಲಾವಣೆ ಕೂಡ ಕಡಿಮೆಯಾಗಿದೆ ಎಂದು ಆರ್ಬಿಐ ತಿಳಿಸಿದೆ.
2 ಸಾವಿರ ನೋಟುಗಳ ಬಳಕೆಯ ಸಂಖ್ಯೆ 2018ರಿಂದ ಕ್ರಮೇಣ ಕಡಿಮೆಯಾಗಿದೆ. 2018ರ ಮಾರ್ಚ್ ಅಂತ್ಯದ ವೇಳೆಗೆ 33,632 ಲಕ್ಷ ನೋಟುಗಳು ಚಲಾವಣೆಯಲ್ಲಿದ್ದವು, 2019ರ ಮಾರ್ಚ್ ಅಂತ್ಯದ ವೇಳೆಗೆ ಈ ಸಂಖ್ಯೆ 32,910 ಲಕ್ಷ ನೋಟುಗಳಿಗೆ ಇಳಿದಿತ್ತು. 2020ರ ಮಾರ್ಚ್ ಅಂತ್ಯದ ವೇಳೆಗೆ ಇದು ಮತ್ತಷ್ಟು ಕಡಿಮೆಯಾಗಿ 27,398 ಲಕ್ಷಕ್ಕೆ ಇಳಿದೆ ಆರ್ಬಿಐ ತಿಳಿಸಿದೆ.
2 ಸಾವಿರ ನೋಟುಗಳ ಪಾಲು 2018ರ ಮಾರ್ಚ್ ಅಂತ್ಯದ ವೇಳೆಗೆ 3.3 ರಷ್ಟಿತ್ತು. 2019ರ ಮಾರ್ಚ್ ಅಂತ್ಯದ ವೇಳೆಗೆ ಶೇ 3ರಷ್ಟಾಗಿತ್ತು. ಇದೀಗ 2020ರ ಮಾರ್ಚ್ ಅಂತ್ಯದ ವೇಳೆಗೆ ಶೇ 2.4ಕ್ಕೆ ಇಳಿಕೆಯಾಗಿದೆ. ಇದೇ ವೇಳೆ 500 ಮತ್ತು 200 ಮುಖಬೆಲೆಯ ನೋಟುಗಳ ಚಲಾವಣೆಯಲ್ಲಿ ಏರಿಕೆ ಕಂಡು ಬಂದಿದೆ.
