ಪೆಟ್ರೋಲ್‌, ಡೀಸೇಲ್ ದರ ಏರಿಕೆಯಿಂದ ಬೇಸತ್ತಿದ್ದ ಜನರಿಗೆ ಸಿಹಿ ಸುದ್ದಿ; ‌ ಚಳಿಗಾಲ ಕಳೆದ ಮೇಲೆ ದರ ಇಳಿಕೆ: ಪೆಟ್ರೋಲಿಯಂ ಸಚಿವ

ನವದೆಹಲಿ: ದಿನದಿಂದ ದಿನಕ್ಕೆ ಪೆಟ್ರೋಲ್‌, ಡಿಸೇಲ್‌ ಬೆಲೆ ಏರಿಕೆಯಾಗುತ್ತಿದ್ದು,  ಈ ಮಧ್ಯೆ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವ ಧರ್ಮೇಂದ್ರ ಪ್ರಧಾನ್ ಈ ಬಗ್ಗೆ ಮಾತನಾಡಿದ್ದಾರೆ.  ಈ ಚಳಿಗಾಲ ಮುಗಿಯುತ್ತಿದ್ದಂತೆ ಇಂಧನ ಬೆಲೆ ಇಳಿಕೆಯಾಗಲಿದೆ ಎಂದಿದ್ದಾರೆ.

ಚಳಿಗಾಲ ಮುಗಿದ ಮೇಲೆ ಇಂಧನದ ಬೇಡಿಕೆ ಕಡಿಮೆಯಾಗುತ್ತದೆ.  ಬೆಲೆಗಳು ಕೂಡ ಕುಸಿಯುತ್ತವೆ.  ಇನ್ನು ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಪೆಟ್ರೋಲಿಯಂ ಉತ್ಪನ್ನಗಳಿಂದಾಗಿ ಗ್ರಾಹಕರು ತೊಂದರೆ ಅನುಭವಿಸಿದ್ದಾರೆ. ಇದು ಅಂತರರಾಷ್ಟ್ರೀಯ ವಿಷಯವಾಗಿದೆ. ಚಳಿಗಾಲದಲ್ಲಿ, ಹೆಚ್ಚುತ್ತಿರುವ ಬೇಡಿಕೆಯಿಂದಾಗಿ ಬೆಲೆ ಏರಿಕೆಯಾಗಿದೆ. ಮುಂದಿನ ದಿನಗಳಲ್ಲಿ  ಕಡಿಮೆಯಾಗಲಿವೆ ಎಂದು ತಿಳಿಸಿದರು.

ಪೆಟ್ರೋಲ್ ವಸ್ತುಗಳನ್ನು ಜಿಎಸ್ ಟಿ  ವ್ಯಾಪ್ತಿಗೆ ತರಲು ಜಿಎಸ್ ಟಿ  ಕೌನ್ಸಿಲ್ ಗೆ  ಮನವಿ ಮಾಡಿದ್ದೇನೆ. ಇದರಿಂದ ಜನ ಸಾಮಾನ್ಯ  ದೊಡ್ಡ ಪರಿಹಾರ ಸಿಗುತ್ತೆ. ದೇಶದ ತೈಲ ಮತ್ತು ಅನಿಲ ಕ್ಷೇತ್ರದ ಅಭಿವೃದ್ಧಿಗೆ ಕೂಡ  ಸಹಕಾರಿಯಾಗಲಿದೆ ಎಂದರು.