ವಾಣಿಜ್ಯ ಬಳಕೆಯ ಎಲ್ ಪಿಜಿ ಸಿಲಿಂಡರ್ ಬೆಲೆಯಲ್ಲಿ 57.50 ರೂ. ಇಳಿಕೆ

ನವದೆಹಲಿ: ಆಯಿಲ್ ಕಂಪನಿಗಳು 19 ಕೆಜಿಯ ವಾಣಿಜ್ಯ ಬಳಕೆಯ ಎಲ್​ಪಿಜಿ ಸಿಲಿಂಡರ್​ಗಳ ಬೆಲೆಯನ್ನು ನಾಲ್ಕು ಮೆಟ್ರೋ ನಗರಗಳಲ್ಲಿ ಸಿಲಿಂಡರ್​ಗೆ 57.50 ರೂ. ನಷ್ಟು ಇಳಿಕೆ ಮಾಡಿವೆ‌. ನವದೆಹಲಿ, ಮುಂಬೈ, ಕೋಲ್ಕತಾ ಮತ್ತು ಚೆನ್ನೈ ಮಹಾನಗರಿಗಳಲ್ಲಿ ಬೆಲೆ ಇಳಿಕೆ ಆಗಿದೆ.

ನವೆಂಬರ್ 16 (ಗುರುವಾರದಿಂದಲೇ) ಹೊಸ ದರ ಜಾರಿಗೆ ಬಂದಿದೆ. ದೀಪಾವಳಿಗೆ ಮುನ್ನ ಸಿಲಿಂಡರ್​ಗೆ 101.5 ರೂನಷ್ಟು ಬೆಲೆ ಏರಿಕೆಯ ಬಿಸಿ ಕಂಡಿದ್ದ ಬೆಲೆ, ಈಗ ಇಳಿಕೆಯಾಗಿದೆ. ದರ ಇಳಿಕೆ ನಂತರ ದೆಹಲಿ 1,775.5 ರೂ, ಕೋಲ್ಕತಾ 1,885.5 ರೂ, ಮುಂಬೈ 1,728 ರೂ, ಚೆನ್ನೈ 1,942 ರೂ, ಆಗಿದೆ. ಇನ್ನೂ ಗೃಹಬಳಕೆಯ ಎಲ್​ಪಿಜಿ ಸಿಲಿಂಡರ್​ಗಳ ಬೆಲೆಯಲ್ಲಿ ಯಾವ ಬದಲಾವಣೆ ಆಗಿಲ್ಲ. ಬೆಂಗಳೂರಿನಲ್ಲಿ ಡೊಮೆಸ್ಟಿಕ್ ಗ್ಯಾಸ್ ಬೆಲೆ 14.2 ಕಿಲೋ ಸಿಲಿಂಡರ್​ಗೆ 905.50 ರೂ ಇದೆ.