ದಾವಣಗೆರೆ: ನಗರದಲ್ಲಿ ರೆಮ್ ಡಿಸಿವರ್ ಲಸಿಕೆ ಅಕ್ರಮ ಮಾರಾಟ ಜಾಲ ಪತ್ತೆಯಾಗಿದ್ದು, ಜಿಲ್ಲಾಸ್ಪತ್ರೆ ಹಿಂಭಾಗ ಆಟೋದಲ್ಲಿ ರೆಮಿಡಿಸಿವರ್ ಲಸಿಕೆ ಮಾರಾಟ ಮಾಡುತ್ತಿದ್ದ ವೇಳೆ ಇಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.
ಜಿಲ್ಲಾ ಪೊಲೀಸರ ನೇತೃತ್ವದಲ್ಲಿಂದು ದಾಳಿ ನಡೆಸಿದ್ದು ಜಿಲ್ಲಾಸ್ಪತ್ರೆಯ ಫಾರ್ಮಾಸಿಸ್ಟ್ ಹಾಗೂ ಆಟೋ ಚಾಲಕನನ್ನು ಬಂಧಿಸಲಾಗಿದೆ. 9 ರೆಮಿಡಿಸಿವರ್ ಲಸಿಕೆ ಬಾಟಲ್ ಹಾಗೂ 10 ಸಾವಿರ ರೂ. ಆಟೋ ವಶಕ್ಕೆ ಪಡೆಯಲಾಗಿದೆ. ಪಾರ್ಮಾಸಿಸ್ಟ್ ಮಂಜುನಾಥ, ಆಟೋ ಚಾಲಕ ಗಣೇಶಪ್ಪ ಎಂಬುವರನ್ನು ಬಂಧಿಸಲಾಗಿದೆ.
ಹಣದ ಆಸೆಗೆ ಮಂಜುನಾಥ, ಗಣೇಶಪ್ಪಗೆ ಲಸಿಕೆ ನೀಡಿ ಮಾರಾಟ ಮಾಡಲು ಹೇಳಿದ್ದು, ಬಂದ ಹಣದಲ್ಕಿ ಇಬ್ಬರು ಹಂಚಿಕೊಳ್ಳುವ ಪ್ಲಾನ್ ಮಾಡಿದ್ದರು. ಹೀಗಾಗಿ, ಜಿಲ್ಲಾಸ್ಪತ್ರೆಗೆ ಬಂದಿದ್ದ 9 ಬಾಟಲ್ ಲಸಿಕೆಯನ್ನ ಗಣೇಶಪ್ಪಗೆ ನೀಡಲಾಗಿತ್ತು.
ಈ ಬಗ್ಗೆ ಔಷಧ ಪರಿವೀಕ್ಷಕಿ ಗೀತಾಗೆ ಮಾಹಿತಿ ಲಭಿಸಿದ್ದು, ಮಾಹಿತಿ ಹಿನ್ನೆಲೆ ಬಡಾವಣೆ ಠಾಣೆ ಪೊಲೀಸರ ನೇತೃತ್ವದಲ್ಲಿ ದಾಳಿ ನಡೆಸಲಾಗಿತ್ತು. ಬಡಾವಣೆ ಠಾಣೆ ಪೊಲೀಸರಿಂದ ತನಿಖೆ ಮುಂದುವರಿದಿದೆ.
