ದಾವಣಗೆರೆ: ಜಿಲ್ಲಾದ್ಯಂತ ಮಳೆ ಅಬ್ಬರ ಮುಂದುವರಿದಿದ್ದು, ವಾಡಿಕೆಗಿಂತಲ್ಲೂ ಹೆಚ್ಚು ಮಳೆಯಾಗಿದೆ. ವಾಡಿಕೆಯಂತೆ 2.7 ಮಿಮೀ ಮಳೆಯಾಗಬೇಕಿತ್ತು. ಆದರೆ, 12.0 ಮಿಮೀ ವಾಸ್ತವ ಮಳೆಯಾಗಿದೆ.ಜೋರು ಮಳೆಯಿಂದ ಜಿಲ್ಲೆಯಲ್ಲಿ 2 ಮನೆಗಳು ಹಾನಿಗೀಡಾಗಿದ್ದು, ನಾಲ್ಕು ಜಾನುವಾರುಗಳು ಸಾವನ್ನಪ್ಪಿವೆ. ಕಳೆದ 3 ದಿನಗಳಿಂದ ಜಿಲ್ಲೆಯ ಜನತೆ ಮಲೆನಾಡಿನ ಮಳೆ ಅನುಭವ ಕಾಣುವಂತಾಗಿದೆ.
ಎಲ್ಲೆಲ್ಲಿ ಎಷ್ಟು ಮಳೆ..?
ಚನ್ನಗಿರಿಯಲ್ಲಿ 4.1 ಮಿಮೀ ಮಳೆಗೆ 17.8 ಮಿಮೀ ಮಳೆಯಾಗಿದ್ರೆ, ಹೊನ್ನಾಳಿಯಲ್ಲಿ 3.2 ಮಿಮೀ ವಾಡಿಕೆ ಮಳೆಗೆ 16.7 ಮಿಮೀ ಮಳೆಯಾಗಿದೆ.ದಾವಣಗೆರೆಯಲ್ಲಿ 2.1 ಮಿಮೀ ವಾಡಿಕೆ ಮಳೆಗೆ 14.4 ಮಿಮೀ ಮಳೆಯಾಗಿದೆ. ಹರಿಹರದಲ್ಲಿ 2.1 ಮಿಮೀ ವಾಡಿಕೆ ಮಳೆಗೆ 13.7 ಮಿಮೀ, ಜಗಳೂರಿನಲ್ಲಿ 1.3 ಮಿಮೀ ವಾಡಿಕೆ ಮಳೆಗೆ 3.1 ಮಿಮೀ, ನ್ಯಾಮತಿಯಲ್ಲಿ 3.6 ಮಿಮೀ ವಾಡಿಕೆ ಮಳೆಗೆ 1.5 ಮಿಮೀ ಮಳೆಯಾಗಿದೆ.
ಹರಿಹರ ತಾಲೂಕಿನಲ್ಲಿ ಕೊಮಾರನಹಳ್ಳಿಯಲ್ಲಿ ಮಳೆಯಿಂದಾಗಿ 4 ಜಾನುವಾರುಗಳು ಮೃತಪಟ್ಟಿವೆ. ದಾವಣಗೆರೆ ತಾಲೂಕಿನಲ್ಲಿ 1 ಮನೆ ಭಾಗಶಃ, ಚನ್ನಗಿರಿ ತಾಲೂಕಿನಲ್ಲಿ 1 ಮನೆ ತೀವ್ರ ಪ್ರಮಾಣದಲ್ಲಿ ಹಾನಿಯಾಗಿದೆ. ಕಂದಾಯ ಇಲಾಖೆ ಸೇರಿದಂತೆ ಸಂಬಂಧಿಸಿದ ಇಲಾಖೆಗಳಿಂದ ಪರಿಶೀಲನೆ ಕಾರ್ಯ ಮುಂದುವರಿದಿದೆ.
