ದಾವಣಗೆರೆ: ಜಿಲ್ಲೆಯ ಇಬ್ಬರು ಡಿವೈಎಸ್ ಪಿ ಗಳನ್ನು ಪೊಲೀಸ್ ಇಲಾಖೆ ವರ್ಗಾವಣೆ ಮಾಡಿ ಆದೇಶ ಹೊರಡಿಸಲಾಗಿದೆ. ದಾವಣಗೆರೆ ನಗರ ವಿಭಾಗದ ಡಿವೈಎಸ್ ಪಿ ನರಸಿಂಹ ವಿ. ತಾಮ್ರಧ್ವಜ ಹಾಗೂ ಪೂರ್ವ ವಲಯ ಐಜಿಪಿ ಕಚೇರಿಯ ಭರತ್ ರೆಡ್ಡಿ ಎ.ಆರ್. ಅವರನ್ನು ವರ್ಗಾವಣೆ ಮಾಡಲಾಗಿದೆ. ನರಸಿಂಹ ವಿ. ತಾಮ್ರಧ್ವಜ ಅವರನ್ನು ಮೈಸೂರಿನ ಕರ್ನಾಟಕ ಪೊಲೀಸ್ ಅಕಾಡೆಮಿಗೆ ವರ್ಗಾವಣೆಯಾಗಿದ್ದಾರೆ. ಅವರ ಜಾಗಕ್ಕೆ ಬಳ್ಳಾರಿಯ ಡಿಸಿಆರ್ ಬಿಯ ಮಲ್ಲೇಶ್ ದೊಡ್ಡಮನಿ ನಿಯೋಜನೆಗೊಂಡಿದ್ದಾರೆ. ಭರತ್ ರೆಡ್ಡಿ ಅವರು ಕರ್ನಾಟಕ ಲೋಕಾಯುಕ್ತಕ್ಕೆ ವರ್ಗಾವಣೆ ಮಾಡಲಾಗಿದೆ.
