ದಾವಣಗೆರೆ: ನಗರದ ಜಿಎಂ ತಾಂತ್ರಿಕ ಮಹಾವಿದ್ಯಾಲಯದಲ್ಲಿ ನಾಳೆ (ಮೇ 20) ಬೆಳಗ್ಗೆ 11ಗಂಟೆಗೆ ಕೇಂದ್ರ ಗ್ರಂಥಾಲಯ ವಿಭಾಗದ ಸಭಾಂಗಣದಲ್ಲಿ ಮೀಟ್ ಅಂಡ್ ಗ್ರೀಟ್ ಸಮಾರಂಭವು ನಡೆಯಲಿದೆ ಎಂದು ಕಾಲೇಜಿನ ಪ್ರಾಂಶುಪಾಲ ಡಾ. ವೈ. ವಿಜಯಕುಮಾರ್ ತಿಳಿಸಿದ್ದಾರೆ.
ಜಿಎಂಐಟಿ ಕಾಲೇಜಿನಲ್ಲಿರುವ ಕೋರ್ಸ್ ಗಳ ಬಗ್ಗೆ, ಸೌಲಭ್ಯ ಮತ್ತು ಸೌಕರ್ಯಗಳು, ವಿದ್ಯಾರ್ಥಿಗಳಿಗಿರುವ ಉದ್ಯೋಗವಕಾಶಗಳು ಮತ್ತು ಜಿಎಂ ವಿಶ್ವವಿದ್ಯಾಲಯದ ರೂಪುರೇಷೆಗಳ ಬಗ್ಗೆ ಪ್ರಾಂಶುಪಾಲರು ಪ್ರಸ್ತುತಪಡಿಸಲಿದ್ದಾರೆ. ಈ ಮೂಲಕ ಕಾಲೇಜಿನ ಬಗ್ಗೆ ಮತ್ತು ಕೋರ್ಸ್ ಗಳ ಬಗ್ಗೆ ಅರಿವು ಮೂಡಿಸುವ ಪ್ರಯತ್ನವಾಗಿದೆ. ವಿವಿಧ ಹೊಸ ಎಂಜಿನಿಯರಿಂಗ್ ಕೋರ್ಸಗಳನ್ನು ಪರಿಚಯಿಸಿದ್ದು, ಅವುಗಳ ಬಗ್ಗೆ ವಿದ್ಯಾರ್ಥಿಗಳಲ್ಲಿ ಮತ್ತು ಅವರ ಪೋಷಕರು ಗಳಲ್ಲಿ ಅರಿವು ಮೂಡಿಸುವ ಒಂದು ಸಣ್ಣ ಪ್ರಯತ್ನವಾಗಿದೆ ಎಂದು ತಿಳಿಸಿದ್ದಾರೆ.
ಕಾರ್ಯಕ್ರಮದ ಉಸ್ತುವಾರಿಯನ್ನು ಉದ್ಯೋಗ ಅಧಿಕಾರಿ ತೇಜಸ್ವಿ ಕಟ್ಟಿಮನಿ ಟಿ ಆರ್ ವಹಿಸಿದ್ದು, ಡಾ ಓಂಕಾರಪ್ಪ ಎಚ್ಎಸ್, ಡಾ ಸಂತೋಷ್ ಬಿ ಎಂ, ಡಾ ಮಂಜುಳಾ ಜಿಎಂ, ಡಾ ಪವನ್ ಕೆಜೆ, ಡಾ ಮುರುಗೇಂದ್ರಪ್ಪ ಎನ್, ಡಾ ಭರತ್ ಕೆಎನ್ ಭಾಗವಹಿಸಲಿದ್ದಾರೆ.
