ದಾವಣಗೆರೆ: ಜಿಲ್ಲೆಯ ನಾಗರಿಕರಿಗೆ ಸುಲಭ, ವೇಗ ಹಾಗೂ ಪಾರದರ್ಶಕ ಸೇವೆಗಳನ್ನು ಒದಗಿಸುವ ಉದ್ದೇಶದಿಂದ ದಾವಣಗೆರೆ ಜಿಲ್ಲಾ ಪೊಲೀಸ್ ಮತ್ತೊಂದು ಮಹತ್ವದ ಹೆಜ್ಜೆ ಇಟ್ಟಿದೆ. ಇನ್ನು ಮುಂದೆ ಟ್ರಾಫಿಕ್ ಇ-ಚಲನ್ಗಳನ್ನು ಆನ್ಲೈನ್ ಮೂಲಕ ಪಾವತಿಸುವ ವ್ಯವಸ್ಥೆಯನ್ನು ಯಶಸ್ವಿಯಾಗಿ ಏಕೀಕರಿಸಲಾಗಿದೆ. ಈ ಹೊಸ ವ್ಯವಸ್ಥೆಯ ಮೂಲಕ ನಾಗರಿಕರು ತಮ್ಮ ಯುಪಿಐ, ಕ್ರೆಡಿಟ್ ಕಾರ್ಡ್ ಅಥವಾ ಡೆಬಿಟ್ ಕಾರ್ಡಗಳನ್ನು ಬಳಸಿ ಮನೆಯಲ್ಲೇ ಕುಳಿತು ಟ್ರಾಫಿಕ್ ದಂಡವನ್ನು ಪಾವತಿಸಬಹುದು.
ದಾವಣಗೆರೆ: ಅಡಿಕೆ ಬೆಲೆಯಲ್ಲಿ ದಿಢೀರ್ ಕುಸಿತ; ಏಕಾಏಕಿ ಪ್ರತಿ ಕ್ವಿಂಟಲ್ ಗೆ 2 ಸಾವಿರ ಇಳಿಕೆ
ಇದರಿಂದಾಗಿ ಪೊಲೀಸ್ ಠಾಣೆ ಅಥವಾ ಕಚೇರಿಗಳಿಗೆ ತೆರಳಿ ಸಾಲಿನಲ್ಲಿ ನಿಲ್ಲುವ ಅವಶ್ಯಕತೆ ಇರುವುದಿಲ್ಲ. ಚಲನ್ ಪಾವತಿಸಲು ಸಾರ್ವಜನಿಕರು:https://echallan.parivahan.gov.in/index/accused-challan
ಎಂಬ ಅಧಿಕೃತ ವೆಬ್ಸೈಟ್ ಗೆ ಭೇಟಿ ನೀಡಿ, ತಮ್ಮ ಮೊಬೈಲ್ ಸಂಖ್ಯೆ ಅಥವಾ ಚಲನ್ ಸಂಖ್ಯೆಯನ್ನು ನಮೂದಿಸಿ, ಪಾವತಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದು. ಇದು ನಾಗರಿಕ ಸ್ನೇಹಿ ಆಡಳಿತದ ಉತ್ತಮ ಉದಾಹರಣೆಯಾಗಿದೆ.
ವೀರಶೈವ ಲಿಂಗಾಯತ ಮಹಾಸಭಾ ರಾಷ್ಟ್ರೀಯ ಅಧ್ಯಕ್ಷರಾಗಿ ನ್ಯಾ.ಶಿವರಾಜ್ ಪಾಟೀಲ್ ಆಯ್ಕೆ ಮಾಡುವಂತೆ ರಂಭಾಪುರಿ ಶ್ರೀ ಒತ್ತಾಯ
ಸೂಚನೆ: ಸಾರ್ವಜನಿಕರು ಕಡ್ಡಾಯವಾಗಿ ಮೇಲೆ ತಿಳಿಸಿರುವ ಲಿಂಕ್ ಮೂಲಕವೇ ದಂಡವನ್ನು ಪಾವತಿಸತಕ್ಕದ್ದು.ವಿಶೇಷ ಸೂಚನೆ: ಸಂಚಾರ ಇ-ಚಲನ್ ಗಳನ್ನು ಆನ್ ಲೈನ್ ಮೂಲಕ ಪಾವತಿಸುವ ಸಂದರ್ಭದಲ್ಲಿ ಎಚ್ಚರವಹಿಸುವುದು. ಕೆಲವು ಆನ್ ಲೈನ್ ವಂಚಕರು ನಕಲಿ ಟ್ರಾಫಿಕ್ ಇ-ಚಲನ್ಗಳನ್ನು ಪಾವತಿಸಲು ಲಿಂಕ್ ಗಳನ್ನು ಸೃಷ್ಠಿಸಿ ಅನಾಮಧೇಯ ಲಿಂಕ್ ಗಳನ್ನು ನಿಮಗೆ ಕಳಿಸಿ ವಂಚಿಸುವ ಸಾಧ್ಯತೆ ಇರುತ್ತದೆ ಆದ್ದರಿಂದ ಇಲಾಖೆಯಿಂದ ನೀಡಲಾಗಿರುವ ಮೇಲ್ಕಂಡ ಅಧಿಕೃತ ವೆಬ್ ಜಾಲತಾಣಕ್ಕೆ ಬೇಟಿ ನೀಡಿ ಪಾವತಿಸುವುದು. ಸೈಬರ್ ವಂಚನೆಗಳಿಂದ ಸುರಕ್ಷಿತವಾಗಿರಿ.
ಸಾರ್ವಜನಿಕರು ತಮ್ಮ ವಾಹನಗಳಿಗೆ ವಿಧಿಸಿರುವ ದಂಡದ ಮೊತ್ತವನ್ನು ಇಲ್ಲಿ ನೀಡಲಾಗಿರುವ QR Code Scan ಮಾಡುವ ಮೂಲಕ ಪರಿಶೀಲಿಸಬಹುದು.
