ದಾವಣಗೆರೆ: ವಿದ್ಯಾರ್ಥಿನಿಯರಿಗೆ ಚುಡಾಯಿಸಿ ಹಿಂಬಾಲಿಸಿಕೊಂಡು ಹೋಗಿ ಅಸಭ್ಯ ವರ್ತನೆ ತೋರಿದಲ್ಲದೆ, ಲೈಂಗಿಕ ಕಿರುಕುಳ ನೀಡಿದ ಯುವಕನನ್ನು ಪೊಲೀಸರು ಬಂಧಿಸಿದ್ದಾರೆ.
ನಗರದ ಎಂ.ಸಿ.ಸಿ ಬಿ ಬ್ಲಾಕ್ ನಲ್ಲಿ ಜು.5 ರಂದು ನಡೆದುಕೊಂಡು ಹೋಗುತ್ತಿದ್ದ ವಿದ್ಯಾರ್ಥಿನಿಯರಿಗೆ 4-5 ಬಾರಿ ಬೈಕ್ ನಲ್ಲಿ ಯುವಕ ಹಿಂಬಾಲಿಸಿಕೊಂಡು ಬಂದು, ಆಶ್ಲೀಲ ಪದಗಳಿಂದ ಮಾತನಾಡಿದ್ದ. ಮತ್ತೆ ಜು.16 ರಂದು ಅದೇ ಬೈಕ್ ನಲ್ಲಿ ಬಂದು ಕಿರುಕುಳ ನೀಡಿದ್ದ ಎಂದು ದೂರಿನ ಮೇರೆಗೆ ದಾವಣಗೆರೆ ಬಡಾವಣೆ ಪೊಲೀಸ್ ಠಾಣೆಯಲ್ಲಿ ಕೇಸು ದಾಖಲಾಗಿತ್ತು.
ಈ ಕೇಸಿನ ಆರೋಪಿಯನ್ನು ಪತ್ತೆ ಮಾಡಲು ತಂಡವನ್ನು ರಚನೆ ಮಾಡಿದ್ದು, ಆರೋಪಿಯ ಪತ್ತೆ ಕಾರ್ಯ ಕೈಗೊಂಡ ಪೊಲೀಸರು ಆರೋಪಿಯ ವಿವರ ಗುರುತಿಸಿ ವಾಹನ ಸಂಖ್ಯೆ ಪತ್ತೆ ಮಾಡಿ ದಿನಾಂಕ 17-07-2023 ರಂದು ಆರೋಪಿ ದಾವಣಗೆರೆ ನಗರ ನಿವಾಸಜ ಖಾದೀರ್ ಖಾನ್ (20) ವಶಕ್ಕೆ ಪಡೆಯಲಾಗಿದೆ. ಕೃತ್ಯಕ್ಕೆ ಬಳಸಿದ ಬೈಕ್ನ್ನು ಅಮಾನತ್ತು ಮಾಡಲಾಗಿದೆ. ಈ ಆರೋಪಿಯು ಹಲವು ದಿನಗಳಿಂದ ಬೇರೆ-ಬೇರೆ ವಿದ್ಯಾರ್ಥಿನಿಯರುಗಳಿಗೆ ಚುಡಾಯಿಸುವುದು, ಬೈಕ್ನಲ್ಲಿ ಹಿಂಬದಿಯಿಂದ ಮೈ-ಕೈ ಮುಟ್ಟಿ ಲೈಂಗಿಕ ಕಿರುಕುಳ ನೀಡುತ್ತಿದ್ದುದ್ದಾಗಿ ತಿಳಿದು ಬಂದಿರುತ್ತದೆ.
