ದಾಚಣಗೆರೆ: ಬೇಯಿಸಿ ಒಣ ಹಾಕಿದ್ದ 3 ಕ್ವಿಂಟಾಲ್ ಅಡಿಕೆ ಕಳ್ಳತನವಾದ ಘಟನೆ ನಗರದ ಶಾಮನೂರು ಗ್ರಾಮದಲ್ಲಿ ನಡೆದಿದೆ. ಶಾಮನೂರು ಗ್ರಾಮದ ಕಿರಣ್ ಅವರು ತಮ್ಮ ಹೊಲದಲ್ಲಿ ಬೇಯಿಸಿದ ಅಡಿಕೆ ಒಣ ಹಾಕಿದ್ದರು. ಕಳ್ಳರು ಒಣ ಹಾಕಿದ್ದ ಅಡಿಕೆಯನ್ನು ಕದ್ದಿದ್ದು, ಒಟ್ಟು 1.50 ಲಕ್ಷ ಮೌಲ್ಯದ 3 ಕ್ವಿಂಟಾಲ್ ಅಡಿಕೆ ಕಳವು ಮಾಡಿದ್ದಾರೆ. ಅಡಿಕೆ ಬೆಲೆ ಪ್ರತಿ ಕ್ವಿಂಟಾಲ್ ಗೆ 45 ಸಾವಿರದಿಂದ 50 ಸಾವಿರದ ವರೆಗೆ ದರವಿದ್ದು, ಕಳ್ಳತನ ಪ್ರಕರಣಗಳು ಹೆಚ್ಚಾಗಿವೆ. ಈ ಬಗ್ಗೆ ರೈತರು ಎಷ್ಟೇ ಜಾಗೃಕತೆಯಿಂದ ಇದ್ದರೂ ಅಡಿಕೆ ಕಳ್ಳತನವಾಗುತ್ತಿವೆ. ಈ ಬಗ್ಗೆ ವಿದ್ಯಾನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
