ದಾವಣಗೆರೆ: ಬಾಪೂಜಿ ಇಂಜಿನಿಯರಿಂಗ್ ಮತ್ತು ತಾಂತ್ರಿಕ ಮಹಾವಿದ್ಯಾಲಯದ (ಬಿಐಇಟಿ) ಪ್ರಸಕ್ತ ಸಾಲಿನ ಕ್ಯಾಂಪಸ್ ನೇಮಕಾತಿಯಲ್ಲಿ ರಾಸಾಯನಿಕ ಮತ್ತು ಟೆಕ್ಸ್ಟೈಲ್ ವಿಭಾಗದ ಒಟ್ಟು 13 ವಿದ್ಯಾರ್ಥಿಗಳು ಉದ್ಯೋಗ ಗಿಟ್ಟಿಸಿಕೊಂಡಿದ್ದಾರೆ.
ರಾಸಾಯನಿಕ ಇಂಜಿನಿಯರಿಂಗ್ ವಿಭಾಗದ ವಿದ್ಯಾರ್ಥಿಗಳಾದ ಎನ್.ಜೆ. ಪ್ರಚೇತ್ ಮತ್ತು ಎನ್.ಎಸ್. ಸಹನಾ ಪ್ರತಿಷ್ಠಿತ ಸಿಂಥೈಟ್ ಇಂಡಸ್ಟ್ರೀಸ್ ಕಂಪನಿಗೆ ವಾರ್ಷಿಕ 4 ಲಕ್ಷ ರೂ. ಪ್ಯಾಕೇಜ್ನೊಂದಿಗೆ ಆಯ್ಕೆಯಾಗಿದ್ದಾರೆ.
ಟೆಕ್ಸ್ಟೈಲ್ ಟೆಕ್ನಾಲಜಿ ವಿಭಾಗದ 11 ವಿದ್ಯಾರ್ಥಿಗಳಾದ ಸಿ. ಅಂಜುಮ್ ಬಾನು, ಪಿ.ಆರ್. ಅರ್ಪಿತಾ, ಅರ್ಪಿತಾ ಪಾಸ್ತಾಯ್, ಎಂ. ಹರ್ಷಿತಾ ಪಾಟೀಲ್, ಕೆ.ಪಿ. ಲಿಖಿತ್, ವಿ. ನಯನಾ, ಎಂ.ಡಿ. ಸಂಧ್ಯಾ, ಸಂಜನಾ ಕುಮಾರ್, ಸಿ.ಎಂ. ಶ್ರೀಲಕ್ಷ್ಮಿ, ಕೆ.ಪಿ. ಸುಮಂತ್ ಮತ್ತು ಸಿ.ಯು. ವೇಣುಗೋಪಾಲ ಅವರು ಪ್ರಸಿದ್ಧ ಜಾಕಿ ಸಂಸ್ಥೆಗೆ ವಾರ್ಷಿಕ 3.6 ಲಕ್ಷ ರೂ. ವೇತನದೊಂದಿಗೆ ನೇಮಕಗೊಂಡಿದ್ದಾರೆ.
ವಿದ್ಯಾರ್ಥಿಗಳಿಗೆ ಬಾಪೂಜಿ ವಿದ್ಯಾ ಸಂಸ್ಥೆಯ ಆಡಳಿತ ಮಂಡಳಿ ಸದಸ್ಯರು, ಪ್ರಾಂಶುಪಾಲರಾದ ಡಾ. ಎಚ್.ಬಿ. ಅರವಿಂದ್, ನಿರ್ದೇಶಕ ಪ್ರೊ. ವೈ. ವೃಷಭೇಂದ್ರಪ್ಪ, ತರಬೇತಿ ಮತ್ತು ಉದ್ಯೋಗ ವಿಭಾಗದ ಡೀನ್ ಡಾ. ಸಿ.ಆರ್. ನಿರ್ಮಲ ಅವರು ಅಭಿನಂದನೆ ಸಲ್ಲಿಸಿದ್ದಾರೆ.
