ದಾವಣಗೆರೆ: ಮಲೆನಾಡು ಭಾಗದಲ್ಲಿ ಭರ್ಜರಿ ಮಳೆಯಾಗುತ್ತಿದ್ದು, ಭದ್ರಾ ಜಲಾಶಯಕ್ಕೆ ( bhadra dam) ಒಳ ಹರಿವು ಹೆಚ್ಚಾಗಿದೆ. ಇಂದು (ಮೇ 28) ಬೆಳಗ್ಗೆ ಹೊತ್ತಿಗೆ ಒಳ ಹರಿವು ಸಾಕಷ್ಟು ಹೆಚ್ಚಾಗಿದ್ದು, 6 ಸಾವಿರ ಕ್ಯೂಸೆಕ್ ನಷ್ಟಿದೆ. ಬಿರು ಬೇಸಿಗೆಯಿಂದ ಕುಗ್ಗಿದ್ದ ಒಳ ಹರಿವು ಕಳೆದ ಮೂರು ದಿನದಿಂದ ಏರಿಕೆಯಾಗುತ್ತಿದೆ. ಇದು ಭದ್ರಾ ಅಚ್ಚುಕಟ್ಟು ರೈತರಲ್ಲಿ ಸಂತಸ ಮೂಡಿಸಿದೆ.
ಜಲಾಶಯಕ್ಕೆ ಜೀವ ಕಳೆ
ಭದ್ರಾ ಜಲಾಶಯಶವು ಇಂದಿನ ( ಮೇ 28) ನೀರಿನಮಟ್ಟ 138.6 ಅಡಿ ಇದ್ದು, ಒಳ ಹರಿವು 6,778 ಕ್ಯೂಸೆಕ್ ಇದೆ. ಇನ್ನೂ ಮುಂಗಾರು ಮಳೆ ಅಧಿಕೃತವಾಗಿ ರಾಜ್ಯ ಪ್ರವೇಶಿಸಿಲ್ಲ. ಮುಂಗಾರು ಪೂರ್ವ ಮಳೆಯಿಂದಲೇ ಜಲಾನಯನಕ್ಕೆ ಜೀವ ಕಳೆ ಬಂದಿದೆ.
ಭದ್ರಾ ಜಲಾಶಯ ಇಂದಿನ ನೀರಿನ ಮಟ್ಟ
- ದಿನಾಂಕ :28-05-2025
- ಒಟ್ಟು ನೀರಿನ ಸಾಮರ್ಥ್ಯ 71.54 ಟಿಎಂಸಿ
- ಪ್ರಸ್ತುತ ನೀರಿನ ಮಟ್ಟ ; 25.876 ಟಿಎಂಸಿ
- ಗರಿಷ್ಠ ಮಟ್ಟ: 186 ಅಡಿ
- ಇಂದಿನ ಮಟ್ಟ: 138.6 ಅಡಿ
- ಒಳ ಹರಿವು : 6,778 ಕ್ಯೂಸೆಕ್
- ಹೊರ ಹರಿವು : 500 ಕ್ಯೂಸೆಕ್
- ಎಡ ದಂಡೆ : 80 ಕ್ಯೂಸೆಕ್
- ಬಲ ದಂಡೆ : 00 ಕ್ಯೂಸೆಕ್
- ಕಳೆದ ವರ್ಷ ಈ ದಿನದ ನೀರಿನ ಮಟ್ಟ: 117.2 ಅಡಿ
- ಕಳೆದ ವರ್ಷದ ಇದೇ ದಿನ ಒಳಹರಿವು: 579 ಕ್ಯೂಸೆಕ್
ಭಾನುವಾರ 499 ಕ್ಯೂಸೆಕ್ಸ್ ಇದ್ದ ಒಳಹರಿವು, ಸೋಮವಾರ 2860 ಕ್ಯೂಸೆಕ್ಸ್ಗೆ ದಿಢೀರ್ ಹೆಚ್ಚಳ ಕಂಡಿತ್ತು. ಮಂಗಳವಾರ 3034 ಕ್ಯೂಸೆಕ್ ಇತ್ತು. ಇಂದು (ಮೇ 28) ಜಲಾಶಯದ ನೀರಿನಮಟ್ಟ 138.6 ಅಡಿ ಆಗಿದೆ. ಒಳ ಹರಿವು 6,778 ಕ್ಯೂಸೆಕ್ ಇದೆ. 71.54 ಟಿಎಂಸಿ ಸಾಮರ್ಥ್ಯದ ಜಲಾಶಯದಲ್ಲೀಗ 25.876 ಟಿಎಂಸಿ ನೀರು ಸಂಗ್ರಹವಾಗಿದೆ.
