ದಾವಣಗೆರೆ: ಮಹಿಳೆಯರಿಗೆ ಕರ್ನಾಟಕ ಉದ್ಯಮಶೀಲತಾಭಿವೃದ್ದಿ ಕೇಂದ್ರದಿಂದ ಬ್ಯುಟೀಷಿಯನ್ ತರಬೇತಿ

ದಾವಣಗೆರೆ: ಕರ್ನಾಟಕ ಉದ್ಯಮಶೀಲತಾಭಿವೃದ್ದಿ ಕೇಂದ್ರ (ಸಿಡಾಕ್) ಧಾರವಾಡ, ಕೌಶಲ್ಯಾಭಿವೃದ್ದಿ, ಉದ್ಯಮಶೀಲತೆ ಹಾಗೂ ಜೀವನೋಪಾಯ ಇಲಾಖೆ ಬೆಂಗಳೂರು ಇವರ ಸಂಯುಕ್ತಾಶ್ರಯದಲ್ಲಿ 30 ದಿನಗಳ ಹರ್ಬಲ್ ಕಾಸ್ಮೆಟಾಲಜಿ ಮತ್ತು ಬ್ಯುಟೀಷಿಯನ್ ನೈರ್ಮಲ್ಯದ ಉದ್ಯಮಶೀಲತಾ ಕೌಶಲ್ಯಾಭಿವೃದ್ದಿ ತರಬೇತಿ ಕಾರ್ಯಕ್ರಮವನ್ನು ಏರ್ಪಡಿಸಲಾಗಿದೆ.

ದುರ್ಗಾಂಬಿಕ ಫ್ರೌಡಾಶಾಲೆ ಹತ್ತಿರ  ನಾಳೆ ಬೆಳಿಗ್ಗೆ 11.45 ಕ್ಕೆ ಶ್ರೀ ಉತ್ಸವಾಂಭ ಬ್ಯೂಟಿ ಪಾರ್ಲರ್ ಕ್ಲಾಸ್ ಸೆಂಟರ್ ನಲ್ಲಿ  ಕರ್ನಾಟಕ ರಾಜ್ಯ ಮಹಿಳಾ ಅಭಿವೃದ್ದಿ ನಿಗಮದ ಅಭಿವೃದ್ದಿ ನಿರೀಕ್ಷಕ ಮಂಜುಳಮ್ಮ ಉದ್ಘಾಟಿಸುವರು. ಸಿಡಾಕ್ ಜಂಟಿ ನಿರ್ದೇಶಕ ಆರ್.ಪಿ.ಪಾಟೀಲ್ ಅಧ್ಯಕ್ಷತೆ ವಹಿಸುವರು.

ಮುಖ್ಯ ಅತಿಥಿಗಳಾಗಿ ಯಶಸ್ವಿ ಉದ್ಯಮದಾರರು ಮತ್ತು ತರಬೆತುದಾರರಾದ ಪದ್ಮಜರಾವ್, ಪಾಲ್ಗೊಳ್ಳುವರು. ನಿವೃತ್ತ ನಿಯೋಜನ ಅಧಿಕಾರಿ ಮುಕುಂದಪ್ಪ.ಬಿ ಅತಿಥಿ ಉಪನ್ಯಾಸಕರಾಗಿ ಪಾಲ್ಗೊಳ್ಳುವರೆಂದು ಪ್ರಕಟಣೆಯಲ್ಲಿ ತಿಳಿಸಿದೆ.