ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಬೆಲೆಯಲ್ಲಿ ಕಳೆದ 15 ದಿನದಿಂದ 50 ಸಾವಿರ ರೂ. ಸ್ಥಿರ ಬೆಲೆ ದಾಖಲಾಗಿತ್ತು. ಆದರೆ ಇಂದು (ಸೆ.20) ಹೊಸ ರಾಶಿ ಅಡಿಕೆ 1, 200 ರೂ. ಏರಿಕೆ ಕಂಡಿದೆ. ಹಳೆದು 2 ಸಾವಿರ ಕುಸಿತವಾಗಿದೆ. ಹಳೆ ರಾಶಿ ಅಡಿಕೆ ಗರಿಷ್ಠ 50,421ರೂ.ಗಳಿಂದ 48,579 ರೂ. ಕುಸಿತ ಕಂಡಿದ್ದು, ಹೊಸ ರಾಶಿ ಅಡಿಕೆ ಗರಿಷ್ಠ 49,009 ರೂ.ಗಳಿಂದ 50,189 ರೂ.ಗೆ ಮಾರಾಟವಾಗಿದೆ.
ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಜೂನ್ ನಲ್ಲಿ 50 ಸಾವಿರ ಗಡಿ ದಾಟಿದ್ದ ಬೆಲೆ, ಜುಲೈನಲ್ಲಿ ಗರಿಷ್ಠ 57 ಸಾವಿರ ತಲುಪಿತ್ತು. ಆಗಸ್ಟ್ ತಿಂಗಳಲ್ಲಿ ಸತತ ಇಳಿಕೆ ಕಂಡು, ತಿಂಗಳ ಕೊನೆಯಲ್ಲಿ 48 ಸಾವಿರ ತಲುಪಿತ್ತು. ಇದೀಗ ಸೆಪ್ಟೆಂಬರ್ ತಿಂಗಳಲ್ಲಿ ಕಳೆದ 15ದಿನದಿಂದ ಚೇತರಿಕೆ ಕಂಡು 50 ಸಾವಿರ ಸ್ಥಿರ ಬೆಲೆ ದಾಖಲಾಗಿತ್ತು.
ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ವಹಿವಾಟಿನಲ್ಲಿ ಸೆ.20 ರಂದು ಪ್ರತಿ ಕ್ವಿಂಟಾಲ್ ಉತ್ತಮ ಹಳೆ ರಾಶಿ ಅಡಿಕೆ ಕನಿಷ್ಠ ಬೆಲೆ 40,399, ಗರಿಷ್ಠ ಬೆಲೆ 48, 579ಹಾಗೂ ಸರಾಸರಿ ಬೆಲೆ 46,373 ರೂ.ಗೆ ಮಾರಾಟವಾಗಿದೆ. ಹೊಸ ರಾಶಿ ಅಡಿಕೆ ಕನಿಷ್ಠ 42,051, ಗರಿಷ್ಠ 50,189 ಹಾಗೂ ಸರಾಸರಿ 45,900 ರೂ.ಗೆ ಮಾರಾಟವಾಗಿದೆ. ಬೆಟ್ಟೆ ಅಡಿಕೆ ಗರಿಷ್ಠ 3600 ರೂ.ಗೆ ಮಾರಾಟವಾಗಿದೆ.
ದಾವಣಗೆರೆ: ಜಿಲ್ಲಾ ಉದ್ಯೋಗ ವಿನಿಮಯ ಕೇಂದ್ರದಿಂದ ಸೆ.21ರಂದು ಉದ್ಯೋಗ ಮೇಳ
