ದಾವಣಗೆರೆ: ಹಳೆಯ ರಾಶಿ ಅಡಿಕೆ ಬೆಲೆಯಲ್ಲಿ ಚೇತರಿಕೆ; ಹೊಸ ಅಡಿಕೆ ದರ ಮತ್ತೆ ಇಳಿಕೆ

ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆಯ ಹಳೆ ರಾಶಿ ಅಡಿಕೆ ಬೆಲೆಯಲ್ಲಿ ಮತ್ತೆ ಚೇತರಿಕೆ ಕಂಡಿದೆ. ಆದರೆ,‌ಹೊಸ ಅಡಿಕೆ ಬೆಲೆಯಲ್ಲಿ ಇಳಿಕೆ‌ ಕಂಡಿದೆ.

ಇಂದು (ಆ.23) ಹಳೆ ಅಡಿಕೆ ಗರಿಷ್ಠ 52, 099 ರೂ.ಗೆ ಮಾರಾಟವಾಗಿದೆ. ಇದೇ ಅಡಿಕೆ ಹಿಂದಿನ ದಿನ 51,699ರೂ.ಗೆ ಮಾರಾಟವಾಗಿತ್ತು. ಇಂದು ಸ್ವಲ್ಪ ಚೇತರಿಕೆಯಾಗಿದೆ. ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಜೂನ್ ನಲ್ಲಿ 50 ಸಾವಿರ ಗಡಿ ದಾಟಿದ್ದ ಬೆಲೆ, ಜುಲೈನಲ್ಲಿ ಗರಿಷ್ಠ 57 ಸಾವಿರ ಗಡಿ ದಾಟಿತ್ತು. ಆಗಸ್ಟ್ ತಿಂಗಳಲ್ಲಿ ಸತತ ಇಳಿಕೆ ಕಂಡಿತ್ತು.

ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ವಹಿವಾಟಿನಲ್ಲಿ ಆ‌.23 ರಂದು ಪ್ರತಿ ಕ್ವಿಂಟಾಲ್ ಉತ್ತಮ ಹಳೆ ರಾಶಿ ಅಡಿಕೆ ಕನಿಷ್ಠ ಬೆಲೆ 48,559 , ಗರಿಷ್ಠ ಬೆಲೆ 52,099 ಹಾಗೂ ಸರಾಸರಿ ಬೆಲೆ 51,200 ರೂ.ಗೆ ಮಾರಾಟವಾಗಿದೆ. ಹೊಸ ರಾಶಿ ಅಡಿಕೆ ಕನಿಷ್ಠ 45,009, ಗರಿಷ್ಠ 50,251 ಹಾಗೂ ಸರಾಸರಿ 47,400 ರೂ.ಗೆ ಮಾರಾಟವಾಗಿದೆ. ಇನ್ನೂ ಬೆಟ್ಟಿ ಅಡಿಕೆ 35, 587 ರೂ.ಗೆ ಮಾರಾಟವಾಗಿದೆ.