ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಬೆಲೆ ಕುಸಿತದ ಹಾದಿ ಹಿಡಿದಿದೆ. ಒಂದು ತಿಂಗಳಿಂದ ಸತತ ಏರುಗತಿಯಲ್ಲಿದ್ದ ಅಡಿಕೆ ಬೆಲೆ, ಕಳೆದ ತಿಂಗಳು ಸ್ವಲ್ಪ ಇಳಿಕೆಯಾಗಿತ್ತು. ಇದೀಗ ಇನ್ನಷ್ಟು ಇಳಿಕೆ ಕಂಡಿದೆ. ಇಂದು( ಆ.02 ) ಜಿಲ್ಲೆಯಲ್ಲಿ ರಾಶಿ ಅಡಿಕೆ 55,109 ರೂ. ಮಾರಾಟವಾಗಿದೆ. ಹಿಂದಿನ ದಿನ 56,612ದರಕ್ಕೆ ಮಾರಾಟವಾಗಿತ್ತು. ಈ ಮೂಲಕ ಒಂದೇ ದಿನ 1500 ರೂ. ಇಳಿಕೆ ಕಂಡಿದೆ.
ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಜೂನ್ ನಲ್ಲಿ 50 ಸಾವಿರ ಗಡಿ ದಾಟಿದ್ದ ಬೆಲೆ, ಜುಲೈನಲ್ಲಿ 57 ಸಾವಿರ ಗಡಿ ದಾಟಿತ್ತು. ಇದೀಗ ಆಗಸ್ಟ್ ತಿಂಗಳಲ್ಲಿ ಮತ್ತೆ ಇಳಿಕೆ ಕಾಣುತ್ತಿದೆ. ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ವಹಿವಾಟಿನಲ್ಲಿ ಆ.2 ರಂದು ಪ್ರತಿ ಕ್ವಿಂಟಾಲ್ ಉತ್ತಮ ರಾಶಿ ಅಡಿಕೆ ಕನಿಷ್ಠ ಬೆಲೆ 52,299 ಗರಿಷ್ಠ ಬೆಲೆ 55,109 ಹಾಗೂ ಸರಾಸರಿ ಬೆಲೆ 53,836 ರೂ.ಗೆ ಮಾರಾಟವಾಗಿದೆ.
