ದಾವಣಗೆರೆ: ಅಡಿಕೆ ಬೆಲೆಯಲ್ಲಿ ದಿಢೀರ್ ಕುಸಿತ; ಎರಡೇ ದಿನದಲ್ಲಿ ಎಷ್ಟು ಬೆಲೆ ಇಳಿಕೆ ಆಯ್ತು..?

ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಧಾರಣೆಯಲ್ಲಿ ಕಳೆದ 15 ದಿನದಿಂದ ಏರಿಕೆಯತ್ತ ಮುಖ ಮಾಡಿದ್ದ ಬೆಲೆಯಲ್ಲಿ ಒಮ್ಮೆಲೇ ಕುಸಿತ ಕಂಡಿದೆ. ಮಾರ್ಚ್ ಅಂತ್ಯದಲ್ಲಿ 45 ಸಾವಿರಕ್ಕೆ ಕುಸಿದಿದ್ದ ದರ, ಏಪ್ರಿಲ್ ಆರಂಭದಲ್ಲಿ ಸ್ವಲ್ಪ ಚೇತರಿಕೆ ಕಂಡು ಬೆಲೆ ಏರಿಕೆಯತ್ತ‌ ಮುಖ ಮಾಡಿತ್ತು. ಕಳೆದ 15 ದಿನದಲ್ಲಿ ರೂ.4000ದಷ್ಟು‌ ಏರಿಕೆ‌ ಕಂಡಿತ್ತು. ಎರಡು ದಿನದ ಹಿಂದೆ ರೂ. 49,699 ಬೆಲೆ ದಾಖಲಾಗಿತ್ತು. ಇದೀಗ ಪ್ರತಿ ಕ್ವಿಂಟಾಲ್ ಬೆಲೆ ಇಂದು (ಏ.24) ಗರಿಷ್ಠ  48,500 ಮರಾಟವಾಗಿದೆ. ಈ ಮೂಲಕ ಒಮ್ಮೆಲೇ 1,200 ಕುಸಿತ ಕಂಡಿದೆ.

ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿಯಲ್ಲಿ ವಹಿವಾಟಿನಲ್ಲಿ ಏ.24 ರಂದು ಪ್ರತಿ ಕ್ವಿಂಟಾಲ್ ಗೆ ಕನಿಷ್ಠ ಬೆಲೆ 41, 969, ಗರಿಷ್ಠ ಬೆಲೆ 48, 500 ಹಾಗೂ ಸರಾಸರಿ ಬೆಲೆ 47,233ರೂ. ಆಗಿದೆ. ಇದೇ ವೇಳೆ ಬೆಟ್ಟೆ ಅಡಿಕೆ ಗರಿಷ್ಠ 34,579 ರೂ. ಮಾರಾಟವಾಗಿದೆ.