ದೇಶದಲ್ಲಿ ಕಳೆದ 24 ಗಂಟೆಯಲ್ಲಿ 45,149 ಕೊರೊನಾ ಪಾಸಿಟಿವ್;480 ಸಾವು

ನವದೆಹಲಿ: ದೇಶದಲ್ಲಿ ಕಳೆದ 24 ಗಂಟೆಯಲ್ಲಿ 45,149 ಕೊರೊನಾ ಪಾಸಿಟಿವ್  ಪ್ರಕರಣಗಳು ದೃಢಪಟ್ಟಿದ್ದು,  480  ಮಂದಿ ಮೃತಪಟ್ಟಿದ್ದಾರೆ.

ಕೇಂದ್ರ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ ಮಾಹಿತಿ ನೀಡಿದ್ದು,  ದೇಶದಲ್ಲಿ ಈವರೆಗೆ 79,09,960 ಮಂದಿಗೆ ಸೋಂಕು ತಗುಲಿದ್ದು, 1,19,014 ಮಂದಿ ಸಾವಿಗೀಡಾಗಿದ್ದಾರೆ. ಇಂದುಯ  59,105 ಜನರು ಗುಣಮುಖರಾಗಿದ್ದು, ಇದುವರೆಗೆ 70,78,123 ಮಂದಿ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. ಇನ್ನು 6,53,717 ಸಕ್ರಿಯ ಪ್ರಕರಣಗಳಿವೆ.

ಅತಿ ಹೆಚ್ಚು ಪ್ರಕರಣಗಳನ್ನು ಹೊಂದಿರುವ ಮಹಾರಾಷ್ಟ್ರದಲ್ಲಿ 16,45,020 ಜನರಿಗೆ ಸೋಂಕು ತಗುಲಿದೆ. 1,41,001 ಸಕ್ರಿಯ ಪ್ರಕರಣಗಳಿದ್ದು,  14,60,755 ಜನರು ಗುಣಮುಖರಾಗಿದ್ದು,  43,264 ಮಂದಿ  ಮೃತಪಟ್ಟಿದ್ದಾರೆ.

ಆಂಧ್ರ ಪ್ರದೇಶದಲ್ಲಿ 8,07,023 ಜನರಿಗೆ ಕೊರೊನಾ ವೈರಸ್ ಸೋಂಕು ತಗುಲಿದೆ. 30,860 ಸಕ್ರಿಯ, 7,69,576 ಜನ ಗುಣಮುಖರಾಗಿದ್ದಾರೆ. 6,587 ಜನರು ಮೃತಪಟ್ಟಿದ್ದಾರೆ.ಮೂರನೇ ಸ್ಥಾನದಲ್ಲಿರುವ ಕರ್ನಾಟಕದಲ್ಲಿ ಒಟ್ಟಾರೆ 8,02,817 ಜನರಿಗೆ ಸೋಂಕು ತಗುಲಿದ್ದು, 10,873 ಜನ 81,069 ಸಕ್ರಿಯ ಪ್ರಕರಣಗಳಿದ್ದು, 7,10,843 ಜನರು ಗುಣಮುಖರಾಗಿದ್ದಾರೆ.

ತಮಿಳುನಾಡಿನಲ್ಲಿ 7,09,005 ಸೋಂಕು ದೃಢಪಟ್ಟಿದ್ದು, 6,67,475 ಮಂದಿ ಗುಣಮುಖರಾಗಿದ್ದಾರೆ. 30,606 ಸಕ್ರಿಯ ಪ್ರಕರಣಗಳಿವೆ.  10,924 ಮಂದಿ ಕೊರೊನಾ ವೈರಸ್‌ನಿಂದ ಮೃತಪಟ್ಟಿದ್ದಾರೆ. ಉತ್ತರ ಪ್ರದೇಶದಲ್ಲಿ 4,70,270 ಮಂದಿಗೆ ಸೋಂಕು ತಗುಲಿದ್ದರೆ, ಗುಜರಾತ್‌ನಲ್ಲಿ 3,686, ಪಶ್ಚಿಮ ಬಂಗಾಳದಲ್ಲಿ 6,487, ಮಧ್ಯ ಪ್ರದೇಶ 2,885 ಮತ್ತು ರಾಜಸ್ಥಾನದಲ್ಲಿ 1,839 ಜನರು ಕೊರೊನಾ ವೈರಸ್‌ನಿಂದ ಮೃತರಾಗಿದ್ದಾರೆ.