ನವದೆಹಲಿ: ದಿನದಿಂದ ದಿನಕ್ಕೆ ತೈಲ ಬೆಲೆ ಏರಿಕೆಯಾಗಿದ್ದರಿಂದ ಇದೇ ಮೊದಲ ಬಾರಿಗೆ ದೆಹಲಿಯಲ್ಲಿ ಡೀಸೆಲ್ ಬೆಲೆ ಪೆಟ್ರೋಲ್ಗಿಂತ ಹೆಚ್ಚಾಗಿದೆ. ದೆಹಲಿಯಲ್ಲಿ ಡೀಸೆಲ್ ದರ ಪ್ರತಿ ಲೀಟರ್ಗೆ 79.88 ರೂಪಾಯಿಗಳಿದ್ದರೆ, ಪೆಟ್ರೋಲ್ ದರ 79.76 ಇದೆ.
ದೆಹಲಿ ರಾಜ್ಯ ಸರ್ಕಾರವು ಸ್ಥಳೀಯ ತೆರಿಗೆ ಅಥವಾ ವ್ಯಾಟ್ ಹೆಚ್ಚಳ ಮಾಡಿದ್ದರಿಂದ ಡೀಸೆಲ್ ದರ ಪೆಟ್ರೋಲ್ಗಿಂತ ತುಟ್ಟಿಯಾಗಿದೆ. ದೆಹಲಿ ಸರ್ಕಾರ ಡೀಸೆಲ್ ಮೇಲಿನ ತೆರಿಗೆಯನ್ನು ಶೇ 16.75ರಿಂದ ಶೇ 30ಕ್ಕೆ ಹಾಗೂ ಪೆಟ್ರೋಲ್ ಮೇಲಿನ ವ್ಯಾಟ್ ಶೇ . 27ರಿಂದ 30ಕ್ಕೆ ಹೆಚ್ಚಿಸಿತ್ತು..
ಸದ್ಯ ಬೆಂಗಳೂರಿನಲ್ಲಿ ಪೆಟ್ರೋಲ್ ದರ 82. 35 ರೂಪಾಯಿ, ಡೀಸೆಲ್ ದರ 75.96 ರೂಪಾಯಿಗಳಾಗಿದೆ. ಮುಂಬೈನಲ್ಲಿ ಪೆಟ್ರೋಲ್ ದರ 86.54 ಇದ್ದರೆ, ಡೀಸೆಲ್ ದರ 78.22 ಆಗಿದೆ. ಚೆನ್ನೈನಲ್ಲಿ ಪೆಟ್ರೋಲ್ 83.04 ಹಾಗೂ ಡೀಸೆಲ್ 77.17 ರೂಪಾಯಿಗಳಾಗಿದೆ.
