ನವದೆಹಲಿ: ಕಳೆದ ಒಂದು ವಾರದಿಂದ ಇಂಧನ ಬೆಲೆ ನಿರಂತರವಾಗಿ ಏರಿಕೆಯಾಗುತ್ತಿದ್ದು, ಕಳೆದ ಏಳು ದಿನದಲ್ಲಿ ಆರು ಬಾರಿ ದರ ಏರಿಕೆ ಮಾಡಲಾಗಿದೆ. ಇದೀಗ ಒಂದು ವಾರದಲ್ಲಿ ಪ್ರತಿ ಲೀಟರ್ ಪೆಟ್ರೋಲ್ ದರವು 3.31 ರೂ. ಹಾಗೂ ಡೀಸೆಲ್ 3.42 ರೂ. ಏರಿಕೆಯಾಗಿದೆ.
ದೇಶಾದ್ಯಂತ ಇಂದು ಕೂಡ ಪ್ರತಿ ಲೀಟರ್ ಪೆಟ್ರೋಲ್ಗೆ 59 ಪೈಸೆ ಮತ್ತು ಡೀಸೆಲ್ಗೆ 58 ಪೈಸೆ ಹೆಚ್ಚಳ ಮಾಡಲಾಗಿದೆ. ಇದರಿಂದಾಗಿ ಮೆಟ್ರೋ ನಗರಗಳಲ್ಲಿ ಇಂದು ಪೆಟ್ರೋಲ್ ಬೆಲೆ ಮತ್ತಷ್ಟು ಏರಿಕೆ ಕಂಡಿದೆ. ಪ್ರತಿ ಲೀಟರ್ ಪೆಟ್ರೋಲ್ಗೆ ಬೆಂಗಳೂರಿನಲ್ಲಿ 77.57 ರೂ., ದೆಹಲಿಯಲ್ಲಿ 75.16 ರೂ., ಮುಂಬೈ 82.10 ರೂ., ಚೆನ್ನೈ 78.99 ರೂ. ಮತ್ತು ಕೋಲ್ಕತಾ 77.05 ರೂ. ಬೆಲೆ ನಿಗಧಿಯಾಗಿದೆ.
ಪ್ರತಿ ಲೀಟರ್ ಡೀಸೆಲ್ ದರ ಬೆಂಗಳೂರಿನಲ್ಲಿ 69.22 ರೂ., ದೆಹಲಿಯಲ್ಲಿ 73.39ರೂ., ಮುಂಬೈ 72.03 ರೂ., ಚೆನ್ನೈ 71.64 ರೂ. ಮತ್ತು ಕೋಲ್ಕತಾ 69.23 ರೂ. ಬೆಲೆ ನಿಗಧಿಯಾಗಿದೆ.
