ದಾವಣಗೆರೆ: ಜಿಲ್ಲೆಯ ರೈತರ ಮುಖ್ಯ ವಾಣಿಜ್ಯ ಬೆಳೆಯಾದ ಅಡಿಕೆ ದರ (arecanut rate) ಕಳೆದ ಒಂದು ತಿಂಗಳಿಂದ ಏರುತ್ತಲೇ ಇಲ್ಲ. ಒಂದೆಡೆ ತೀವ್ರ ಬೇಸಿಗೆಯಿಂದ ಅಡಿಕೆ ಬೆಳೆ ಇನ್ನೂ ಕೂಡ ಚೇತರಿಕೆ ಕಂಡಿಲ್ಲ. ಮುಂಗಾರು ಮಳೆ ಸಹ ಕುಸಿತ ಕಂಡಿದೆ. ಇದರ ಮಧ್ಯೆ ಅಡಿಕೆ ದರ ಸಹ ಚೇತರಿಕೆ ಕಾಣುತ್ತಿಲ್ಲ. ಇದರಿಂದ ರೈತರು ಆತಂಕಗೊಂಡಿದ್ದಾನೆ.
ಮತ್ತೆ ಚುರುಕು ಪಡೆದ ನೈರುತ್ಯ ಮುಂಗಾರು; ಒಂದು ವಾರ ಭಾರೀ ಮಳೆ ಮುನ್ಸೂಚನೆ
ಜೂನ್ ಮೊದಲ ವಾರದಲ್ಲಿ ಜಿಲ್ಲೆಯಲ್ಲಿ ಉತ್ತಮ ಮಳೆ ಮುನ್ಸೂನೆ ನೀಡಿತ್ತು. ಆದರೆ, ಈಗ ಕಳೆದ 10 ದಿನದಿಂದ ಮಳೆಯಾಗಿಲ್ಲ. ಇದರಿಂದ ತಾಪಮಾನ ಸಹ ಹೆಚ್ಚಿದೆ. ಮುಂಗಾರಿನಲ್ಲಿಯೇ ಈ ರೀತಿಯಾದ್ರೆ ಈ ವರ್ಷದ ಮಳೆ, ಫಸಲು ಕುಸಿತ ಆತಂಕದಲ್ಲಿ ರೈತರಿದ್ದಾರೆ. ಇಂದಿನ (ಜೂ.15) ಉತ್ತಮ ರಾಶಿ ಅಡಿಕೆ ದರ ಕ್ವಿಂಟಲ್ ಗೆ 54,100 ರೂ. ಸಾವಿರ ದಾಟಿ ಏರಿಕೆಯಾಗಿದೆ.
ಜೂ.15ರ ಚನ್ನಗಿರಿ ಅಡಿಕೆ ಧಾರಣೆ (ಪ್ರತಿ ಕ್ವಿಂಟಲ್ ದರ)
- ಗರಿಷ್ಠ ಬೆಲೆ 54,100 ರೂ.
- ಕನಿಷ್ಠ ಬೆಲೆ 45,099 ರೂ.
- ಸರಾಸರಿ ಬೆಲೆ 52,512 ರೂ.
ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ (Channagiri) ವಹಿವಾಟಿನಲ್ಲಿ ಜೂ.15ರಂದು ಉತ್ತಮ ರಾಶಿ ಅಡಿಕೆ ಗರಿಷ್ಠ ಬೆಲೆ ಕ್ವಿಂಟಲ್ ಗೆ 54,100 ರೂ ರೂ. ಇದ್ದು, ಕನಿಷ್ಠ ಬೆಲೆ 45,099 ರೂ., ಸರಾಸರಿ ಬೆಲೆ 52,512 ರೂ.ಇದೆ. ಜಿಲ್ಲೆಯ ಚನ್ನಗಿರಿ, ಹೊನ್ನಾಳಿ, ದಾವಣಗೆರೆ, ಹರಿಹರ, ಜಗಳೂರು ತಾಲ್ಲೂಕಿನಲ್ಲಿ ಅಡಿಕೆ ಮುಖ್ಯ ಬೆಳೆಯಾಗಿದೆ. ರೈತರು, ವ್ಯಾಪಾರಿಗಳು ರಾಶಿ ಅಡಿಕೆ ಸಂಗ್ರಹ ಮಾಡಿಕೊಂಡಿದ್ದು, ದರ ಏರಿಕೆಗೆ ಕಾಯುತ್ತಿದ್ದಾರೆ.
ನಾಲ್ಕು ವರ್ಷಗಳ ಗರಿಷ್ಠ ದರ ಪಟ್ಟಿ
- 2023 ಜುಲೈ ತಿಂಗಳಲ್ಲಿ ಗರಿಷ್ಠ ಬೆಲೆ 57 ಸಾವಿರ
- 2024 ಮೇ ತಿಂಗಳಲ್ಲಿ ಗರಿಷ್ಠ ದರ 55 ಸಾವಿರ
- 2025 ಅಕ್ಟೋಬರ್ ನಲ್ಲಿ ಗರಿಷ್ಠ ದರ 68,349 ರೂ.
- 2026 ಜನವರಿ ಗರಿಷ್ಠ ದರ ರೂ.59,299 ರೂ.
2026 ಜನವರಿ ಕ್ವಿಂಟಲ್ ಅಡಿಕೆ ದರ 59,299 ರೂ. ಇತ್ತು. ಫೆಬ್ರವರಿ 56,119,ರೂ.ಗೆ ಏಕಾಏಕಿ ಕುಸಿತ ಕಂಡಿದ್ದು, ಮಾರ್ಚ್ 55,500 ರೂ.ಗೆ ಮತ್ತಷ್ಟು ಇಳಿಕೆ ಕಂಡಿತ್ತು. ಈಗ ಏಪ್ರಿಲ್ ನಲ್ಲಿ 55,799 ರೂ. ಇತ್ತು. ಈಗ ಮೇ ಮೊದಲ ವಾರ 56 ಸಾವಿರವಿದ್ದ ದರವಿತ್ತು. ಮೇ ಕೊನೆಯಲ್ಲಿ 53 ಸಾವಿರಕ್ಕೆ ಇಳಿದಿತ್ತು. ಇದೀಗ ಜೂನ್ ನಲ್ಲಿ 54 ಸಾವಿರ ಇದೆ.
