ಬೆಂಗಳೂರು: ಕರ್ನಾಟಕ ಶಾಲಾ ಪರೀಕ್ಷೆ ಮತ್ತು ಮೌಲ್ಯನಿರ್ಣಯ ಮಂಡಳಿಯು (KSEAB) ದ್ವಿತೀಯ ಪಿಯುಸಿ ಪರೀಕ್ಷೆ-1ರ ಫಲಿತಾಂಶವನ್ನು ಅಧಿಕೃತವಾಗಿ ಪ್ರಕಟಿಸಿದೆ. ಈ ಬಾರಿ ಡಿಜಿ ಲಾಕರ್ (DigiLocker) ಮೂಲಕ ಅಂಕಪಟ್ಟಿ ವಿತರಣೆಗೆ ಕ್ರಮ ಕೈಗೊಳ್ಳಲಾಗಿದೆ.
ಈ ಲಿಂಕ್ ಮೂಲಕ ಫಲುತಾಂಶ ವೀಕ್ಷಿಸಿ
ವಿದ್ಯಾರ್ಥಿಗಳು ತಮ್ಮ ಫಲಿತಾಂಶವನ್ನು ಆನ್ಲೈನ್ನಲ್ಲಿ ಸುಲಭವಾಗಿ ವೀಕ್ಷಿಸಲು ಅಧಿಕೃತ ವೆಬ್ಸೈಟ್ಗೆ karresults.nic.in ಅಥವಾ kseab.karnataka.gov.in ಜಾಲತಾಣಕ್ಕೆ ಭೇಟಿ ನೀಡಬೇಕಿದೆ.
ಡಿಜಿ ಲಾಕರ್ ವಿಶೇಷತೆ ಏನು..?
ಈ ವರ್ಷದ ದ್ವಿತೀಯ ಪಿಯುಸಿ ಫಲಿತಾಂಶದ ಅತ್ಯಂತ ದೊಡ್ಡ ಆಕರ್ಷಣೆ ಎಂದರೆ ಡಿಜಿಟಲ್ ಅಂಕಪಟ್ಟಿ. ಮಂಡಳಿಯು ಇದೇ ಮೊದಲ ಬಾರಿಗೆ ವಿದ್ಯಾರ್ಥಿಗಳ ಅಧಿಕೃತ ಅಂಕಪಟ್ಟಿಯನ್ನು ಡಿಜಿ ಲಾಕರ್ನಲ್ಲಿ ಅಪ್ಲೋಡ್ ಮಾಡುತ್ತಿದೆ. ಭೌತಿಕ ಅಂಕಪಟ್ಟಿ ಕಳೆದುಹೋದರೂ, ಡಿಜಿಟಲ್ ಅಂಕಪಟ್ಟಿ ಸದಾ ಸುರಕ್ಷಿತವಾಗಿರುತ್ತದೆ.
ಮುಂದಿನ ಉನ್ನತ ಶಿಕ್ಷಣದ ಪ್ರವೇಶಾತಿ ಸಮಯದಲ್ಲಿ ಮೂಲ ಅಂಕಪಟ್ಟಿ ಕೈ ಸೇರುವ ಮೊದಲೇ ಇದನ್ನು ಬಳಸಬಹುದು.ಡಿಜಿ ಲಾಕರ್ನಲ್ಲಿರುವ ದಾಖಲೆಗಳು ಐಟಿ ಕಾಯ್ದೆಯಡಿ ಮೂಲ ದಾಖಲೆಗಳಷ್ಟೇ ಮಾನ್ಯತೆ ಪಡೆದಿರುತ್ತವೆ.
