ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಬೆಲೆಯಲ್ಲಿ ಕಳೆದ 15 ದಿನದಿಂದ 100, 200 ರೂಪಾಯಿಯಲ್ಲಿ ವ್ಯತ್ಯಾಸವಾದರೂ ಸ್ಥಿರ ಬೆಲೆ ಹೊಂದಿದೆ. ಇಂದು (ಸೆ.13) ಹಳೆ ರಾಶಿ ಅಡಿಕೆ ಗರಿಷ್ಠ 50,379 ರೂ. ಮಾರಾಟವಾಗಿದ್ದು, ಹೊಸ ಅಡಿಕೆ ಗರಿಷ್ಠ 49,581 ರೂ.ಗೆ ಮಾರಾಟವಾಗಿದೆ.
ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಜೂನ್ ನಲ್ಲಿ 50 ಸಾವಿರ ಗಡಿ ದಾಟಿದ್ದ ಬೆಲೆ, ಜುಲೈನಲ್ಲಿ ಗರಿಷ್ಠ 57 ಸಾವಿರ ತಲುಪಿತ್ತು. ಆಗಸ್ಟ್ ತಿಂಗಳಲ್ಲಿ ಸತತ ಇಳಿಕೆ ಕಂಡು, ತಿಂಗಳ ಕೊನೆಯಲ್ಲಿ 48 ಸಾವಿರ ತಲುಪಿತ್ತು. ಇದೀಗ ಸೆಪ್ಟೆಂಬರ್ ಚೇತರಿಕೆ ಕಂಡು 50 ಸಾವಿರ ಸ್ಥಿರ ಬೆಲೆಯಲ್ಲಿದೆ.
ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ವಹಿವಾಟಿನಲ್ಲಿ ಸೆ.13 ರಂದು ಪ್ರತಿ ಕ್ವಿಂಟಾಲ್ ಉತ್ತಮ ಹಳೆ ರಾಶಿ ಅಡಿಕೆ ಕನಿಷ್ಠ ಬೆಲೆ 46,512, ಗರಿಷ್ಠ ಬೆಲೆ 50,379 ಹಾಗೂ ಸರಾಸರಿ ಬೆಲೆ 49,230 ರೂ.ಗೆ ಮಾರಾಟವಾಗಿದೆ. ಹೊಸ ರಾಶಿ ಅಡಿಕೆ ಕನಿಷ್ಠ 42,0521 ಗರಿಷ್ಠ 49,581 ಹಾಗೂ ಸರಾಸರಿ 46,560 ರೂ.ಗೆ ಮಾರಾಟವಾಗಿದೆ. ಬೆಟ್ಟೆ ಅಡಿಕೆ ಗರಿಷ್ಠ 37,029 ರೂ.ಗೆ ಮಾರಾಟವಾಗಿದೆ.
