ದಾವಣಗೆರೆ: ಅಡಿಕೆ ಬೆಲೆಯಲ್ಲಿ ಸ್ವಲ್ಪ ಚೇತರಿಕೆ

ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ಬೆಲೆಯಲ್ಲಿ ಸ್ವಲ್ಪ ಚೇತರಿಕೆ ಕಂಡಿದೆ. ಹಳೆ ಮತ್ತು ಹೊಸರಾಶಿ ಅಡಿಕೆ ಬೆಲೆಯಲ್ಲಿಯೂ ಸ್ವಲ್ಪ ಹೆಚ್ಚಳವಾಗಿದೆ. ಇಂದು (ಆ.30) ಹಳೆ ರಾಶಿ ಅಡಿಕೆ ಗರಿಷ್ಠ 48, 451 ರೂ.ಗೆ ಹಾಗೂ ಹಿಂದಿನ ದಿನ 48, 099 ರೂ. ಮಾರಾಟವಾಗಿತ್ತು. ಹೊಸ ಅಡಿಕೆ ಇಂದು ಗರಿಷ್ಠ 48,351 ರೂ.ಗೆ ಮಾರಾಟವಾಗಿದೆ.

ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಜೂನ್ ನಲ್ಲಿ 50 ಸಾವಿರ ಗಡಿ ದಾಟಿದ್ದ ಬೆಲೆ, ಜುಲೈನಲ್ಲಿ ಗರಿಷ್ಠ 57 ಸಾವಿರ ಗಡಿ ದಾಟಿತ್ತು. ಆಗಸ್ಟ್ ತಿಂಗಳಲ್ಲಿ ಸತತ ಇಳಿಕೆ ಕಂಡಿತ್ತು.ತಿಂಗಳ ಕೊನೆಯಲ್ಲಿ 48 ಸಾವಿರ ತಲುಪಿದೆ.

ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ವಹಿವಾಟಿನಲ್ಲಿ ಆ‌.30ರಂದು ಪ್ರತಿ ಕ್ವಿಂಟಾಲ್ ಉತ್ತಮ ಹಳೆ ರಾಶಿ ಅಡಿಕೆ ಕನಿಷ್ಠ ಬೆಲೆ 43,319 ಗರಿಷ್ಠ ಬೆಲೆ 48,451 ಹಾಗೂ ಸರಾಸರಿ ಬೆಲೆ 47,270 ರೂ.ಗೆ ಮಾರಾಟವಾಗಿದೆ. ಹೊಸ ರಾಶಿ ಅಡಿಕೆ ಕನಿಷ್ಠ 38,000, ಗರಿಷ್ಠ 48,351 ಹಾಗೂ ಸರಾಸರಿ 45,400 ರೂ.ಗೆ ಮಾರಾಟವಾಗಿದೆ. ಬೆಟ್ಟೆ ಅಡಿಕೆ ಗರಿಷ್ಠ 33,429 ರೂ.ಗೆ ಮಾರಾಟವಾಗಿದೆ.