ದಾವಣಗೆರೆ: ಅಡಿಕೆ ಬೆಲೆಯಲ್ಲಿ‌ ಮತ್ತೆ ಕುಸಿತ; ಒಂದು ತಿಂಗಳಿಂದ ಏರು ಮುಖದಲ್ಲಿದ್ದ ದರ, ಈಗ ಕುಸಿತ ಹಾದಿಗೆ…

ದಾವಣಗೆರೆ: ಜಿಲ್ಲೆಯ ಪ್ರಮುಖ ವಾಣಿಜ್ಯ ಬೆಳೆಯಾದ ಅಡಿಕೆ ದರ ಇದೀಗ ಕುಸಿತದ ಹಾದಿ ಹಿಡಿದಿದೆ. ಕಳೆದ ಒಂದು ತಿಂಗಳಿಂದ ಸತತ ಏರುಗತಿಯಲ್ಲಿದ್ದ ದರ ಇದೀಗ ಎರಡು ದಿನದಿಂದ ಡಿಢೀರ್ ಆಗಿ 2,600 ರೂ. ಇಳಿಕೆಯಾಗಿದೆ. ಇಂದು( ಜು.19) ಜಿಲ್ಲೆಯಲ್ಲಿ ರಾಶಿ ಅಡಿಕೆ 55,099 ದರಕ್ಕೆ ಮಾರಾಟವಾಗಿದೆ. ಎರಡು ದಿನದ ಹಿಂದೆ ಕ್ವಿಂಟಾಲ್ ಗೆ‌ 57,399 ರೂ. ಇತ್ತು. ಏಪ್ರಿಲ್ ನಲ್ಲಿ 48 ಸಾವಿರವಿದ್ದ ಬೆಲೆ, ಮೇ ನಲ್ಲಿ 49 ಸಾವಿರ ಗಡಿ ದಾಟಿತ್ತು. ಜೂನ್ ನಲ್ಲಿ 50 ಸಾವಿರ ಗಡಿ ದಾಟಿದ್ದ ಬೆಲೆ, ಜುಲೈನಲ್ಲಿ 57 ಸಾವಿರ ಗಡಿ ದಾಟಿತ್ತು. ಇದೀಗ ಕುಸಿತಗೊಂಡಿದೆ.

ಜಿಲ್ಲೆಯ ಪ್ರಮುಖ ಮಾರುಕಟ್ಟೆಯಾದ ಚನ್ನಗಿರಿ ವಹಿವಾಟಿನಲ್ಲಿ ಜು.19ರಂದು ಪ್ರತಿ ಕ್ವಿಂಟಾಲ್ ಉತ್ತಮ ರಾಶಿ ಅಡಿಕೆ ಕನಿಷ್ಠ ಬೆಲೆ 46,599 ಗರಿಷ್ಠ ಬೆಲೆ 55,099 ಹಾಗೂ ಸರಾಸರಿ ಬೆಲೆ 5,3373 ರೂ.ಗೆ ಮಾರಾಟವಾಗಿದೆ.