ದಾವಣಗೆರೆ: ಮನೆ ಶುಭ ಕಾರ್ಯಕ್ಕೆ ತೆಂಗಿನ ಕಾಯಿ ಕೀಳಲು ಮರವೇರಿದ ಯುವ ರೈತ ಆಯ ತಪ್ಪಿ ಬಿದ್ದು ಸಾವು

ದಾವಣಗೆರೆ; ಮನೆ ಶುಭ ಕಾರ್ಯಕ್ಕೆ ತೆಂಗಿನ ಕಾಯಿ ಕೀಳಲು ಮರವೇರಿದ್ದ ಯುವ ರೈತನೊಬ್ಬ ಆಯ ತಪ್ಪಿ ಬಿದ್ದು ಸಾವನ್ನಪ್ಪಿದ ಘಟನೆ ಹೊನ್ನಾಳಿ ತಾಲ್ಲೂಕಿನ ಬೆನಕನಹಳ್ಳಿ ಗ್ರಾಮದಲ್ಲಿ ನಡೆದಿದೆ.

ಮನೆಯಲ್ಲಿ ಶುಭ ಕಾರ್ಯ ಹಿನ್ನೆಲೆ ಸ್ನೇಹಿತನ ತೋಟದಲ್ಲಿ ತೆಂಗಿನ ಕಾಯಿ ಕೀಳಲು ಮರವೇರಿದ್ದ ಬೆನಕನಹಳ್ಳಿಯ ಯುವ ರೈತ ಮಂಜುನಾಥ್ (30) ಆಯ ತಪ್ಪಿ ಕೆಳಗೆ ಬಿದ್ದಿದ್ದಾನೆ. ಅಲ್ಲೇ ಇದ್ದ ಸ್ನೇಹಿತರ ಕೂಡಲೇ ಮುಂಜುನಾಥ್ ನನ್ನು ಹೊನ್ನಾಳಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಆದರೆ, ತೀವ್ರವಾಗಿ ಪೆಟ್ಟು ಬಿದ್ದಿದ್ದರಿಂದ ಸಾವನ್ನಪ್ಪಿದ್ದಾನೆ. ಶುಭ ಕಾರ್ಯದ ದಿನವೇ ದುರ್ಘಟನೆ ಈ ನಡೆದಿದ್ದರಿಂದ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿತ್ತು. ಈ ಬಗ್ಗೆ ಹೊನ್ನಾಳಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.