ನವದೆಹಲಿ: ನ್ಯಾಷನಲ್ ಥರ್ಮಲ್ ಪವರ್ ಕಾರ್ಪೋರೇಷನ್ (ಎನ್ಟಿಪಿಸಿ) ಲಿಮಿಟೆಡ್ ದೆಹಲಿಯಲ್ಲಿ ವಿವಿಧ ಹುದ್ದೆಗಳಿಗೆ ಅರ್ಜಿ ಆಹ್ವಾನಿಸಿದೆ.
ಎನ್ಟಿಪಿಸಿಯಲ್ಲಿ ಒಟ್ಟು 35 ಹುದ್ದೆಗೆ ಅರ್ಜಿ ಆಹ್ವಾನಿಸಲಾಗಿದ್ದು, ಸೇಫ್ಟಿ, ಐಟಿ, ಸೋಲಾರ್ ಪಿವಿ ವಿಭಾಗಗಳಲ್ಲಿ ಹುದ್ದೆ ಭರ್ತಿ ಮಾಡಿಕೊಳ್ಳಲಿದೆ. ಹುದ್ದೆಗಳಿಗೆ ಕನಿಷ್ಠ 3 ವರ್ಷದ ಅನುಭವ ಕೇಳಲಾಗಿದೆ.
ಎಕ್ಸಿಕ್ಯೂಟೀವ್ (ಸೇಫ್ಟಿ) – 25ಹುದ್ದೆ- ಮೆಕ್ಯಾನಿಕಲ್, ಪ್ರೊಡಕ್ಷನ್, ಎಲೆಕ್ಟ್ರಿಕಲ್, ಸಿವಿಲ್, ಪವರ್ ಇಂಜಿನಿಯರಿಂಗ್, ಇಂಡಸ್ಟ್ರಿಯಲ್ ಸೇಫ್ಟಿ, ಫೈರ್ ಆಯಂಡ್ ಸೇಫ್ಟಿಯಲ್ಲಿ ಪದವಿ ಪಡೆದಿದ್ದು, ಪದವಿಯಲ್ಲಿ ಕನಿಷ್ಠ ಶೇ.60 ಅಂಕ ಪಡೆದಿರಬೇಕು. ಇಂಡಸ್ಟ್ರಿಯಲ್ ಸೇಫ್ಟಿ ಯಲ್ಲಿ ಡಿಪ್ಲೊಮಾ ಮಾಡಿದ ಅಭ್ಯಥಿಗಳು ಅರ್ಜಿ ಸಲ್ಲಿಸಬಹುದು. ಗರಿಷ್ಠ 35 ವರ್ಷವಾಗಿದ್ದು, ವೃತ್ತಿ ಅನುಭವ ಇರುವವರು ಅರ್ಹರು.
ಎಕ್ಸಿಕ್ಯೂಟೀವ್ (ಐಟಿ-ಡೇಟಾ ಸೆಂಟರ್/ ಡೇಟಾ ರಿಕವರಿ) – 8 ಹುದ್ದೆ: ಕಂಪ್ಯೂಟರ್ ಸೈನ್ಸ್, ಐಟಿ, ಎಲೆಕ್ಟ್ರಾನಿಕ್ಸ್ ಆಯಂಡ್ ಕಮ್ಯುನಿಕೇಷನ್ನಲ್ಲಿ ಇಂಜಿನಿಯರಿಂಗ್ ಪದವಿ ಪಡೆದಿದ್ದು, ಕನಿಷ್ಠ ಶೇ.60 ಅಂಕ ಪಡೆದಿರಬೇಕು. ಗರಿಷ್ಠ 35 ವರ್ಷ ವಯೋಮಿತಿ ನಿಗದಿಯಾಗಿದೆ.
ಸೀನಿಯರ್ ಎಕ್ಸಿಕ್ಯೂಟೀವ್ (ಸೋಲಾರ್) – 1 ಹುದ್ದೆ : ಸಿವಿಲ್ ಇಂಜಿನಿಯರಿಂಗ್ ಪದವಿ ಪಡೆದಿದ್ದು, ಶೇ. 60 ಅಂಕ ಪಡೆದಿರಬೇಕು. ಗರಿಷ್ಠ ವಯೋಮಿತಿ 45 ನಿಗದಿಯಾಗಿದ್ದು, ವೃತ್ತಿ ಅನುಭವ ಅವಶ್ಯ.
ಸ್ಪೆಷಲಿಸ್ಟ್ (ಸೋಲಾರ್) – 1 ಹುದ್ದೆ: ಎಲೆಕ್ಟ್ರಿಕಲ್ ಇಂಜಿನಿಯರಿಂಗ್ ಪದವಿಯಲ್ಲಿ ಶೇ.60 ಅಂಕ ಪಡೆದಿರಬೇಕು. ಎಂ.ಟೆಕ್, ಎಂಬಿಎ ಮಾಡಿದ ಅಭ್ಯರ್ಥಿಗಳಿಗೂ ಅವಕಾಶ ಇದೆ. ಗರಿಷ್ಠ ವಯೋಮಿತಿ 55 ವರ್ಷ.
ಸಾಮಾನ್ಯವರ್ಗದ ಅಭ್ಯರ್ಥಿಗಳಿಗೆ 20 ಸ್ಥಾನ, ಇತರ ಹಿಂದುಳಿದ ವರ್ಗಕ್ಕೆ 8, ಆರ್ಥಿಕವಾಗಿ ದುರ್ಬಲವಾಗಿರುವ ಅಭ್ಯರ್ಥಿಗಳಿಗೆ 2, ಎಸ್ಸಿಗೆ 4, ಎಸ್ಟಿಗೆ 1 ಸ್ಥಾನಗಳನ್ನು ಮೀಸಲಿರಿಸಲಾಗಿದೆ. ಎಸ್ಸಿ, ಎಸ್ಟಿ, ಅಂಗವಿಕಲ, ಮಾಜಿ ಸೈನಿಕ, ಮಹಿಳಾ ಅಭ್ಯರ್ಥಿಗಳನ್ನು ಹೊರತುಪಡಿಸಿ ಉಳಿದ ಅಭ್ಯರ್ಥಿಗಳು 300 ರೂ. ಪಾವತಿಸಬೇಕು. ಅರ್ಜಿ ಸಲ್ಲಿಸಲು 15.4.2021 ಕೊನೆಯ ದಿನ. ಮಾಹಿತಿಗೆ: http://www.ntpccareers.net ಗೆ ಭೇಟಿ ನೀಡಿ.
