ಬೆಂಗಳೂರು: ರಾಜ್ಯದಲ್ಲಿ ಕೊರೊನಾ ಎರಡನೇ ಅಲೆ ಅಬ್ಬರ ಶುರುವಾಗಿದೆ. ಹೀಗಾಗಿ ಸಾರ್ವಜನಿಕ ಸ್ಥಳದಲ್ಲಿ ಮಾಸ್ಕ್ ಧರಿಸದೇ ಹಾಗೂ ಸಾಮಾಜಿಕ ಅಂತರ ಕಾಯ್ದುಕೊಳ್ಳದಿದ್ದರೇ ಬೆಂಗಳೂರಲ್ಲಿ 250 ರೂಪಾಯಿ ಹಾಗೂ ಇತರೆ ಪ್ರಧೇಶದಲ್ಲಿ 100 ರೂಪಾಯಿ ದಂಡವನ್ನು ವಿಧಿಸಲು ಸರ್ಕಾರ ಆದೇಶಿಸಿದೆ.
ಈ ಕುರಿತಂತೆ ರಾಜ್ಯ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಹೆಚ್ಚುವರಿ ಮುಖ್ಯ ಕಾರ್ಯದರ್ಶಿ ಜಾವೇದ್ ಅಖ್ತರ್ ಆದೇಶ ಹೊರಡಿಸಿದ್ದು, ಕೊರೋನಾ ನಿಯಂತ್ರಣ ಸಂಬಂಧ ಬೆಂಗಳೂರು ಸೇರಿದಂತೆ ರಾಜ್ಯಾಧ್ಯಂತ ಮಾಸ್ಕ್ ಕಡ್ಡಾಯವಾಗಿದೆ
ಬಿಬಿಎಂಪಿ ವ್ಯಾಪ್ತಿ ಹೊರತಾಗಿ ಮುನಿಸಿಪಲ್ ಕಾರ್ಪೋರೇಷನ್ ವ್ಯಾಪ್ತಿಯಲ್ಲಿಯೂ ಸಾಮಾಜಿಕ ಅಂತರ, ಮಾಸ್ಕ್ ಧರಿಸದೇ ಇದ್ದರೇ ರೂ.250 ದಂಡವನ್ನು ವಿಧಿಸಿದೆ. ಮುನಿಸಿಪಲ್ ಏರಿಯಾ ಹೊರತಾಗಿ, ಇತರೆ ರಾಜ್ಯದ ಪ್ರದೇಶಗಳಲ್ಲಿ ರೂ.100 ಕಡ್ಡಾಯವಾಗಿದೆ.
ಇನ್ನೂ ಇದಲ್ಲದೇ ವಿವಿಧ ಪಾರ್ಟಿ, ಸಭೆ, ಸಮಾರಂಭಗಳಲ್ಲಿ ಭಾಗವಹಿಸುವಂತ ಜನರು ಮಾಸ್ಕ್ ಹಾಗೂ ಸಾಮಾಜಿಕ ಅಂತರ ಕಾಪಾಡುವುದು ಕಡ್ಡಾಯಗೊಳಿಸಲಾಗಿದೆ. ಒಂದು ವೇಳೆ 500 ಜನರು ಓಪನ್ ಮ್ಯಾರಿಯೇಜ್ ಸ್ಥಳದಲ್ಲಿ, ಮುಚ್ಚಿದ ಸ್ಥಳದಲ್ಲಿ 200 ಮಾತ್ರ ಇರುವಂತೆ ಆದೇಶಿಸಿದೆ. ಇದನ್ನು ತಪ್ಪಿದಲ್ಲಿ ನಾನ್ ಎಸಿ ಪಾರ್ಟಿ ಹಾಲ್ ನಲ್ಲ ಮುಖ್ಯಸ್ಥರಿಗೆ ರೂ.5000 ದಂಡ ವಿಧಿಸಲಿದೆ.
