ರಾಜ್ಯದಲ್ಲಿ ಇಂದು 5,536 ಕೊರೊನಾ ಪಾಸಿಟಿವ್ ; 102 ಸಾವು

ಡಿವಿಜಿ ಸುದ್ದಿ, ಬೆಂಗಳೂರು:  ರಾಜ್ಯದಲ್ಲಿ ಇಂದು 5,536 ಕೊರೊನಾ ಪಾಸಿಟಿವ್ ಪ್ರಕರಣಗಳು ದಾಖಲಾಗಿದ್ದು, 2,819 ಮಂದಿ ಗುಣಮುಖರಾಗಿದ್ದಾರೆ.

ಈ ಬಗ್ಗೆ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಾಹಿತಿ ನೀಡಿದ್ದು, ಇಂದು ಕಾರಣಗಳಿಂದಾಗಿ 102 ಮಂದಿ ಮೃತಪಟ್ಟಿದ್ದಾರೆ. ರಾಜ್ಯದಲ್ಲಿ 64,434 ಸಕ್ರಿಯ ಪ್ರಕರಣಗಳಿದ್ದು, ಒಟ್ಟು 1,07,001 ಪ್ರಕರಣಗಳಿದ್ದು, 40,504 ಜನ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ.  ಸೋಂಕಿನಿಂದ ಈವರೆಗೆ 2,055 ಮಂದಿ ಸಾವನ್ನಪ್ಪಿದ್ದಾರೆ.

ಬೆಂಗಳೂರಿನಲ್ಲಿ ಒಂದೇ ದಿನ 1,898 ಕೋವಿಡ್ ದೃಢಪಟ್ಟ ಹೊಸ ಪ್ರಕರಣಗಳು ದಾಖಲಾಗಿವೆ.  572 ಮಂದಿ ಗುಣಮುಖರಾಗಿದ್ದು, 40 ಮಂದಿ ಮೃತಪಟ್ಟಿದ್ದಾರೆ.

ಇನ್ನುಳಿದಂತೆ ಬಳ್ಳಾರಿಯಲ್ಲಿ 452, ಕಲಬುರ್ಗಿಯಲ್ಲಿ 283, ಬೆಳಗಾವಿಯಲ್ಲಿ 228, ಮೈಸೂರಿನಲ್ಲಿ 220, ತುಮಕೂರಿನಲ್ಲಿ 207, ಕೋಲಾರದಲ್ಲಿ 174, ದಕ್ಷಿಣ ಕನ್ನಡದಲ್ಲಿ 173, ಧಾರವಾಡದಲ್ಲಿ 173 ಹಾಗೂ ವಿಜಯಪುರದಲ್ಲಿ 153 ಸೋಂಕು ದೃಢಪಟ್ಟಿವೆ.