ರಾಜ್ಯದಲ್ಲಿಂದು 1,272 ಕೊರೊನಾ ಪಾಸಿಟಿವ್; ಬೆಂಗಳೂರು 735, 7 ಮಂದಿ ಸಾವು

ಡಿವಿಜಿ ಸುದ್ದಿ, ಬೆಂಗಳೂರು:  ರಾಜ್ಯದಲ್ಲಿಂದು  ಒಂದೇ ದಿನ 1, 272 ಕೋವಿಡ್–19 ಪ್ರಕರಣಗಳು ಪತ್ತೆಯಾಗಿವೆದ್ದು, 7 ಮಂದಿ ಮೃತಪಟ್ಟಿದ್ದಾರೆ.

ಈ ಬಗ್ಗೆ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಮಾಹಿತಿ ನೀಡಿದ್ದು, ರಾಜ್ಯದಲ್ಲಿ ಸೋಂಕಿತರ ಸಂಖ್ಯೆ 16,514 ತಲುಪಿದ್ದು, ಈವರೆಗೆ 253 ಮಂದಿ ಮೃತಪಟ್ಟಿದ್ದಾರೆ. 8,063 ಸೋಂಕಿತರ ಗುಣಮುಖರಾಗಿದ್ದು, ಸದ್ಯ 8,194 ಸಕ್ರಿಯ ಪ್ರಕರಣಗಳಿವೆ. ಇಂದು 145 ಮಂದಿ ಚೇತರಿಸಿಕೊಂಡಿದ್ದು, ಆಸ್ಪತ್ರೆಗಳಿಂದ ಡಿಸ್ಚಾರ್ಜ್ ಆಗಿದ್ದಾರೆ.

ಇಂದು ಬೆಂಗಳೂರು ಒಂದರಲ್ಲಿಯೇ  735 ಪ್ರಕರಣಗಳು ಪತ್ತೆಯಾಗಿದೆ. ಈ ಮೂಲಕ ಒಟ್ಟು ಸೋಂಕಿತರ  5,290ಕ್ಕೆ ಏರಿಕೆಯಾಗಿದೆ. 97 ಮಂದಿ ಮರಣ ಹೊಂದಿದ್ದು, 543 ಜನ ಗುಣಮುಖರಾಗಿದ್ದಾರೆ. 4649 ಸಕ್ರಿಯ ಪ್ರಕರಣಗಳಿವೆ.

ಬಳ್ಳಾರಿಯಲ್ಲಿ 85, ದಕ್ಷಿಣ ಕನ್ನಡದಲ್ಲಿ 84, ಧಾರವಾಡದಲ್ಲಿ 35, ಬೆಂಗಳೂರು ಗ್ರಾಮಾಂತರದಲ್ಲಿ 29, ವಿಜಯಪುರ–ಹಾಸನದಲ್ಲಿ ತಲಾ 28, ಉತ್ತರ ಕನ್ನಡ 23, ಉಡುಪಿ 22, ಚಾಮರಾಜನಗರ 21, ಬಾಗಲಕೋಟೆ 20, ತುಮಕೂರು 19, ದಾವಣಗೆರೆ 16, ಚಿಕ್ಕಬಳ್ಳಾಪುರ 15, ಕಲಬುರ್ಗಿ–ರಾಮನಗರ ತಲಾ 14, ಕೊಪ್ಪಳ 13, ರಾಯಚೂರು–ಚಿತ್ರದುರ್ಗ ತಲಾ 12, ಯಾದಗಿರಿ, ಬೀದರ್, ಬೆಳಗಾವಿಯಲ್ಲಿ ತಲಾ 8, ಕೊಡಗು 7, ಮಂಡ್ಯ–ಕೋಲಾರ ತಲಾ 5, ಶಿವಮೊಗ್ಗ 3, ಗದಗ 2, ಚಿಕ್ಕಮಗಳೂರು 1 ಪ್ರಕರಣ ವರದಿಯಾಗಿವೆ.